ԵՐԵՎԱՆ, 2 հուլիսի./Նովոստի-Արմենիա/. 2013թ.-ին ամերիկացի Զաք Մուրը սնվում էր միայն ֆասթֆուդով և ուներ համապատասխան քաշ՝ 227 կգ: Սակայն արդեն 2020թ.-ին նրա ավելորդ քաշից հետք անգամ չի մնացել: Տղամարդը գցել է ավելի քան 150 կգ քաշ առանց հոգնեցնող վարժությունների և հիմա կիսվում է իր փոխակերպման գաղտնիքներով, հաղորդում է life.ru-ն:
Загружается новость ... "Лево"
Երբ Ֆլորիդայում բնակվող Զաքի քաշը հասել էր իր գերագույնին, տղամարդը ֆասթֆուդից բացի ոչինչ չէր ուտում: Եվ իհարկե, նման սննդակարգը իր օգտին չէր գործում, իսկ մի օր էլ հենց այդ ֆասթֆուդի պատճառով էլ վերջինս հայտնվում է հիվանդանոցում՝ սննդային թունավորմամբ:
«Հիվանդանոցում մտածում էի, թե կմեռնեմ: Հասավ նրան, որ գրություն էի թողել իմ որդուն ու կնոջը: Եվ այդժամ հաստատապես որոշեցի ամեն ջանք գործադրել նիհարելու համար»,- գրել է նա:
Հիվանդանոցից դուրս գրվելուց հետո Զաքը դադարում է սնվել տավարի և խոզի մսով, ինչպես նաև սննդակարգից վերացնում է ածխաջրերը: Արդեն մի քանի ամսում նրա քաշը հասավ 177 կգ-ի: Սա բժիշկներին թույլ է տալիս 2014թ.-ին կատարել ստամոքս շրջանցիկ վիրահատություն:
Իսկ արդեն 2015թ.-ին Զաքի քաշը հասնում է 77 կգ-ի, նա սկսում է առողջ ապրելակերպ վարել: Զաքը դառնում է ֆերմեր՝ հիմա նրա տնտեսությունում կան հարյուրավոր կենդանիներ՝ հավ, հնդկահավ, բադ և անգամ ձի. ամեն բան օգնում է նրան առողջ ապրելակեպ վարել:
«Ես նիհարեցի անգամ առանց մարզվելու. պարզապես հնարավորություն չունեի սպորտային ակումբ գնալու, քանի որ շատ հեռու եմ ապրում: Այնպես որ ամենը, ինչ հասել եմ՝ շնորհիվ սննդի է: Եվ հիմա ես հմուտ եմ այդ հարցում: Օրինակ, եթե սնունդը պարունակում է ֆրուկտոզայի մեծ չափաբաժնով եգիտպտացորենի օշարակ, ես դրան անգամ չեմ մոտենա»,- նշում է Զաքը: -0-