Ուիլ Սմիթի կինն առաջին անգամ մեկնաբանել է «Օսկարի» ժամանակ տեղի ունեցած միջադեպը

ԵՐԵՎԱՆ, 1 ապրիլի./Նովոստի-Արմենիա/. «Օսկար» մրցանակաբաշխության ժամանակ տեղի ունեցած սկանդալից հետո Ուիլ Սմիթի ընտանիքը դարձել է վերջին ժամանակների ամենաքննարկվող ընտանիքներից մեկը, գրում է People Talk-ը։

Հիշեցնենք, որ մրցանակաբաշխության արարողության ժամանակ դերասանը ապտակել է հաղորդավար Քրիս Ռոքին, քանի որ վերջինս անհաջող կատակ է արել Սմիթի կնոջ՝ Ջադա Փինքեթ Սմիթի մասին, ով տառապում է ալոպեցիայով:

Ավելի վաղ հաղորդվում էր, որ միջադեպից հետո «Օսկարի» բաղձալի արձանիկը կարող է հետ կանչվել Սմիթից։ Ջադան էլ փորձել է պաշտպանել ամուսնուն:

«Եկել է բժշկվելու ժամանակը. Ես այստեղ եմ դրա համար», - նման խոսուն գրառում է տեղադրել Փինքեթ Սմիթը իր բլոգում:

Ի դեպ, շատ նման մեջբերում է հայտնվել նրանց դստեր՝ Ուիլոյի էջում. «Գիտե՞ք, թե ով է հիմա ամենադժվար իրավիճակում: Բառացիորեն բոլորս։ Այնպես որ, պարզապես ավելի բարի եղեք»,- գրել է նա։

Դերասանի արարքը հանրությանը բաժանեց երկու ճամբարի. ոմանք այն համարում էին տեղին, իսկ ոմանք էլ քննադատում են Սմիթին։ Օրինակ Ջիմ Քերին և Զոի Քրավիցը քննադատել են դերասանին։

Իսկ Քրիս Ռոքը կտրականապես հրաժարվել է Սմիթի դեմ հայց ներկայացնել։ Այդուհանդերձ Ամերիկյան կինոակադեմիան հետաքննում է միջադեպը։-0-