ԵՐԵՎԱՆ, 3 դեկտեմբերի./Նովոստի–Արմենիա/. Նոր ինֆեկցիոն հիվանդությունների ազգային լաբորատորիայի (NEIDL), Ռեգեներատիվ բժշկության կենտրոնի (CReM) և Ցանցային համակարգային կենսաբանության կենտրոնի (CNSB) հետազոտողները ներկայացրել են կորոնավիրուսով հիվանդ մարդու թոքերում տեղի ունեցող պաթոգեն պրոցեսների պատկերը։
Գիտական աշխատությունը հրապարակվել է Molecular Cell ամսագրում, հաղորդում է
lenta.ru–ն` հղում անելով Phys.org–ին։
Գիտնականներն ուսումնասիրել են թոքերի ալվեոլյար բջիջները վարակից 1–24 ժամվա ընթացքում, որպեսզի հասկանան, թե ինչ փոփոխություններ են տեղի ունենում թոքերի բջիջներում SARS-CoV-2–ով վարակվելուց 1,3 և 6 ժամ հետո, ինչպես նաև ինչ փոփոխություններ են տեղի ունենում վարակվելուց 24 ժամ անց։ Բոլոր փոփոխությունները համեմատել են չախտահարված բջիջների հետ։
Գիտնականները պարզել են, որ SARS-CoV-2–ն արդեն մեկ ժամ հետո ախտահարված թոքերում առաջացնում է անոմալ փոփոխություններ սպիտակուցների ֆոսֆորացման մոդիֆիկացիայում։ Այն կարևոր դեր է խաղում օրգանիզմի առողջ բջիջների ներսում սպիտակուցների կարգավորման հարցում և խիստ կարգավորվող պրոցես է։ Այդ փոփոխություններն օգնում են վիրուսին բազմապատկվել և քայքայել բջիջները, ինչը վերջնական արդյունքում հանգեցնում է թոքերի լայնածավալ ախտահարման։
Գիտնականների խոսքերով, երբ SARS-CoV-2–ը հայտնվում է թոքերում, այն սկսում է օգտագործել ախտահարված բջիջների ռեսուրսները, որոնք անհրաժեշտ են նորմալ աճի և կենսագործունեության համար համար։–0–
