Հայտնի է, թե որքան ժամանակ են վարակակիր COVID-19–ով հիվանդացածները

ԵՐԵՎԱՆ, 19 հունվարի./Նովոստի–Արմենիա/. Մարդը կարող է ունենալ PCR թեստի դրական արդյունքներ վարակվելուց հետո բազմաթիվ շաբաթների ընթացքում։ Սակայն դա ամենևին չի նշանակում, որ նա վարակակիր է, նշել է Առողջապահության համաշխարհային կազմակերպության ռուսաստանյան ներկայացուցիչ Մելիտա Վույնովիչը։

«Վարակակիր լինելու համար պետք է տարածել կենդանի վիրուս», – պարզաբանել է նա «Российская газета»–ին տված հարցազրույցում։

Նրա խոսքով, նախնական հետազոտությունների համաձայն, պացիենտների մեծ մասը վարակակիր է ախտանիշների ի հայտ գալուց հետո 8–9 օրվա ընթացքում, չնայած այդ ինֆեկցիոն ժամանակահատվածը կարող է ավելի երկար լինել այն պացիենտների մոտ, ովքեր ծանր հիվանդ են։

14 օր տևող կարանտինի մասին ԱՀԿ–ի խորհուրդները հիմնված են ինկուբացիոն շրջանի մասին առկա տեղեկատվության վրա։ Այս պահին ունեցած տվյալներով, միջին ինկուբացիոն ժամանակահատվածը կազմում է 5–6 օր, վերին շեմը 14 օր է։–0–