Զատիկը «կտրու՞մ է» հանգուցյալի քառասունքը․ պարզաբանում են Արարատյան Հայրապետական թեմից

ԵՐԵՎԱՆ, 28 մարտի․/Նովոստի–Արմենիա/․ Հանգուցյալի մահից հետո 40 օրերը հանգուցյալի հարազատների համար սգո շրջան է:


Զատիկը մեր Եկեղեցու 5 տաղավար տոներից մեկն է: Տոնի հոգևոր ուրախությունը ավելի կարևորելով՝ մարդիկ դուրս են գալիս սգից, իսկ ննջեցյալի շիրիմին այցելում են Ս․ Հարության տոնի հաջորդող օրը՝ մեռելոցին, հայտնում են Արարատյան Հայրապետական թեմից:

Հետևաբար Ս. Զատիկը «կտրում է» սուգը, ոչ թե քառասունքը։ Ուստի, քառասունքի օրը հարկ է, թեկուզ ընտանիքի անդամներով, այցելել ննջեցյալի շիրիմին։–0–