Ուղեղում նույն մեխանիզմն օգնում է այրել ճարպը կամ կուտակել այն

ԵՐԵՎԱՆ, 3 օգոստոսի. /Նովոստի–Արմենիա/. Գիտնականներն ուղեղում գտել են մի օղակ, որը կապում է սննդի օգտագործումը և օրգանիզմի ակտիվությունը։

Ավստրալիայի Մոնաշա համալսարանի նյարդակենսաբանները նկարագրել են օրգանիզմում ճարպի այրման հրահանգներ տալու ընդունակ մեխանիզմը, գրում է life.ru–ն։

Հետազոտողները եկել են եզրակացության, որ մարդու ուղեղում կատարվող երկու տարբեր գործընթացներ ընթանում են հատուկ «փոխարկիչի» միջոցով, որն ակտիվանում է քաղցի ժամանակ և դանդաղեցնում է ինսուլինի նկատմամբ օրգանիզմի ռեակցիան։


Սննդի ընդունումից հետո նույն մեխանիզմը ստիպում է բջիջներին ծախսել կուտակած էներգիան։ Ճարպակալմամբ տառապող մարդկանց մոտ այդ «փոխարկիչն» ընդհանրապես չի աշխատում, այդ պատճառով սննդից կուտակված էներգիան վերածվում է ճարպային կուտակումների։

Ուսումնասիրությունը թույլ կտա զգալիորեն բարելավել «ճարպակալում» ախտորոշմամբ հիվանդների բուժումը` մասնագետների կարծիքով, որոշակի խմբի դեղորայքով այդպիսի մեթոդը կարող է դրական արդյունք ունենալ։ -0-