Հինգշաբթի՝ նոյեմբերի 17-ին, 11:00-ին, «Նովոստի» միջազգային մամուլի կենտրոնում «Էպիկենտրոն» բացառիկ ցուցահանդես-համերգին նվիրված մամուլի ասուլիս կանցկացվի:
Հայաստանի մշակույթի նախարարությունը կազմակերպում է Երևանի մշակութային կյանքի համար աննախադեպ մի իրադարձություն, որի շրջանակներում հայ ժամանակակից գեղանկարչության ցուցադրությունը կուղեկցվի դասական երաժշտությամբ:
Հանդիսատեսի աչքի առաջ նկարչուհի Մարիամ (Մոկո) Խաչատրյանը կտավ կստեղծի երաժիշտ Հայկ Մելիքյանի դաշնամուրային իմպրովիզի ներքո: Նման ձևաչափի միջոցառում Հայաստանում առաջին անգամ է կազմակերպվում:
Մամուլի ասուլիսի բանախոսներն են՝
- Հայաստանի մշակույթի նախարարության Ժամանակակից արվեստի վարչության պետ Սոնա Հարությունյանը,
- դաշնակահար Հայկ Մելիքյանը,
- նկարչուհի Մարիամ Խաչատրյանը:
«Նովոստի-Արմենիա» գործակալության հասցեն է՝ Երևան, Վարդանանց 7:
Հեռախոսահամարներ հավատարմագրվելու համար՝ 52-83-92 (ներքին 108), 52-83-64 (ներքին 108), 56-72-10 (ներքին 108):
Գայանե Հովհաննիսյան, մենեջեր: Բջջային հեռախոս՝ (093) 25-12-19: --0—
