ԵՐԵՎԱՆ, 10 նոյեմբերի. /Նովոստի-Արմենիա/. «Հարավկովկասյան երկաթուղի» ընկերությունը հունվար-սեպտեմբեր ամիսների արդյունքներով ընդգրկվել է Հայաստանի խոշորագույն գործատուների եռյակում, հինգշաբթի «Նովոստի-Արմենիա» գործակալությանը հայտնեցին ՀԿԵ-ի մամուլի ծառայությունից:
Միաժամանակ «ՀԿԵ» ՓԲԸ-ն հաշվետու ժամանակահատվածում հինգերրորդ տեղն է զբաղեցնում 1000 խոշորագույն ընկերությունների թվում պետբյուջե պարտադիր սոցիալական ապահովագրության վճարների վճարման ցուցանիշով:
Ինչպես նշում է «ՀԿԵ» ՓԲԸ գլխավոր տնօրեն Շեվկետ Շայդուլլինը, սոցիալական քաղաքականությունը և աշխատողների սոցիալական պաշտպանությունն ընկերության համար հանդիսանում են զարգացման միջոցներ, որոնք բարձրացնում է ՀԿԵ-ի մրցունակությունն աշխատանքի շուկայում:
«2011 թվականն ընկերության համար կլինի բիզնես-գործընթացների արդյունավետության աճի, շահութաբերության և հզորությունների ավելացման ժամանակ: 2011-ը մեր համար լինելու է երկաթուղու առանց կորուստների աշխատանքի տարի», - հայտարարեց Շայդուլլինը:
ՀՀ պետեկամուտների կոմիտեի կողմից հունվար-սեպտեմբեր ամիսների արդյունքներով հրապարակած 1000 խոշոր հարկ վճարողների ցանկում «Հարավկովկասյան երկաթուղի» ընկերությունը զբաղեցնում է 53-րդ տեղը:
«ՀԿԵ» ՓԲԸ-ն հանդիսանում է «Ռուսական երկաթուղիներ» ԲԲԸ-ի 100% դուստր ընկերություն և իրականացնում է «Հայկական երկաթուղիների» կոնցեսիոն կառավարումն: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի, կողմերի փոխադարձ համաձայնությամբ ևս 10 տարի երկարացման իրավունքով: -0-
