Հոգեհանգստյան արարողություն՝ Բաքվում տեղի ունեցած հայկական ջարդերի անմեղ զոհերի հիշատակին

Կիրակի օրը՝ հունվարի 17-ին, Մայր Աթոռ Սուրբ Էջմիածնում, կկատարվի հոգեհանգստյան արարողություն` ի հիշատակ 1990թ. Բաքվում տեղի ունեցած հայկական ջարդերի անմեղ զոհերի:

Ինչպես «Նովոստի-Արմենիա» գործակալությանը հայտնեցին Մայր Աթոռ Սուրբ Էջմիածնի տեղեկատվական համակարգից, հոգեհանգստյան արարողությունը կմատուցվի Սուրբ Պատարագի ավարտից հետո։

Բաքվի հայկական ջարդերը սկսվել էին 1990թ. հունվարի 13-ին ու շարունակվել 7 օր: Հայաթափության նպատակաուղղված քաղաքականության արդյունքում այնտեղ բնակվող 300 հազար հայերից գրեթե բոլորը լքեցին քաղաքը: Ըստ Human Rights Watch-ի զեկուցող Ռոբերտ Քուշենի, «ջարդերը տարերային չէին, քանի ջարդարարներն ունեին հայերի ցուցակներն ու հասցեները»: Ջարդերը շարունակվեցին այնքան ժամանակ, մինչև Բաքու մտավ խորհրդային զորքը:-0-