478.29
7.18
454.86
+16
Եղանակը Երևանում
Հայ

ՀՀ խորհրդարանում քննարկել են «Հասարակական կազմակերպությունների մասին» վիճահարույց օրինագիծը

15:09
26 Նոյեմբերի 2009

Հինգշաբթի ՀՀ Ազգային ժողովում տեղի են ունեցել «Հասարակական կազմակերպությունների մասին» օրենքում փոփոխությունների վիճահարույց փաթեթի խորհրդարանական լսումները:

Ինչպես նշեց ՀՀ ԱԺ խոսնակ Հովիկ Աբրահամյանը, առաջարկվող փոփոխությունները վերաբերում են քաղաքացիական հասարակության ամենակարևոր ինստիտուտներից մեկին՝ հասարակական կազմակերպություններին:

«ՀՀ կառավարությունը հոկտեմբերի 1-ին երկրի խորհրդարան էր ներկայացել օրինագիծ, որը հասարակական կազմակերպությունների դժգոհությունների ալիքի պատճառ էր դարձել, հասարակական կազմակերպությունները բազմաթիվ հայտարարություններով դիմել էին նախագահին և խորհրդարանին», - նշեց ՀՀ ԱԺ խոսնակը:

Նրա խոսքերով, արդյունքում խորհրդարանը որոշում ընդունեց 90 օրով հետաձգել օրակարգի մեջ վիճահարույց փաթեթի ներառումը և որոշեց խորհրդարանական լսումներ գումարել:

Ինչպես կարծում է Աբրահամյանը, լսումները լավագույն հնարավորությունն են ստեղծում լսելու օրենքի փոփոխման վերաբերյալ բոլոր «կողմ» և «դեմ» կարծիքներն ու դիրքորոշումները, հասնել համաձայնության վիճահարույց հարցերի շուրջ:

ՀՀ արդարադատության նախարար Գևորգ Դանիելյանը հիշեցրեց, որ «Հասարակական կազմակերպությունների մասին» օրենքի փոփոխությունների փաթեթը պատրաստվել և քննարկվել է մի շարք հասարակական կազմակերպությունների ներկայացուցիչների հետ: Դանիելյանը հիշեցրեց, որ փոփոխությունների օրինագիծը ևս անցել է հասարակական քննարկումների փուլն ու համապատասխանում է համաշխարհային չափանիշներին:

Նախարարը տեղեկացրեց, որ հասարակական կազմակերպությունների դժգոհությունն է առաջացրել հատկապես ՀՀ կառավարության առաջարկը՝ թույլ չտալ ՀԿ-ին սեփական անվանման մեջ օգտագործել «միություն» բառը, ինչպես նաև պահանջվում է անվանման մեջ պարտադիր նշել «հասարակական կազմակերպություն» բառակապակցությունը:

Նրա կարծիքով, «միություն» բառի օգտագործումը քաղաքացիներին տարակուսանքի մեջ է գցում հասարակական կազմակերպության կազմակերպչական-իրավական տեսակի առնչությամբ:

Հասարակական կազմակերպությունների դժգոհության առիթ է դարձել նաև այն դրույթը, որի համաձայն՝ հասարակական կազմակերպությունները պետք է ընտրություններ և համագումարներ անցկացնեն ոչ թե երկու տարին մեկ, այլ չորս տարին մեկ:

Ինչպես նշեց նախարարը, նման դրույթը ոչ մի կերպ չի սահմանափակում ՀԿ-ների իրավունքները, չնայած որ նրանք հակառակն են պնդում, քանի որ չեն սահմանափակվում կազմակերպության վարչության գերագույն մարմնի առաջարկվող արտահերթ ժողովների անցկացման հնարավորությունները:

«Հասարակական կազմակերպությունների համար չափազանց ցավոտ հարց դարձավ ֆինանսատնտեսական գործունեության թափանցիկության ապահովման մասին առաջարկը: Կազմակերպությունները սկսեցին պնդել, որ նման փոփոխությունները խախտում են ՀՀ Սահմանադրությունը, կազմակերպությունների իրավունքներն ու շահերը, միջազգային նորմերը», - նշեց ՀՀ արդարադատության նախարարը:

Սակայն նախարարը հիշեցրեց, որ Եվրոպայի խորհրդի մի շարք որոշումների համաձայն՝ հասարակական կազմակերպությունները պարտավոր են ներկայացնել և հրապարակել ֆինանսական հաշվետվություն, իսկ նման պահանջների խախտման դեպքում պետությունների վրա է դրվում համապատասխան միջոցներ ձեռնարկելու պարտավորությունը:

«Մենք պատրաստ ենք հասարակական կազմակերպությունների հետ քննարկել նրանց հուզող բոլոր հարցերը և գալ ընդհանուր որոշման», - ասաց Դանիելյանը:

Հայաստանի հասարակական կազմակերպությունները դժգոհություն են հայտնել կառավարության կողմից փոփոխությունների փաթեթի մշակման, քննարկման և հաստատման կարգի կապակցությամբ: Կազմակերպությունների կարծիքով, փոփոխությունները խախտում են ողջ գործընթացի թափանցիկությունը, իսկ օրինագիծը, հասարակական կազմակերպությունների կարծիքով, սպառնում է Հայաստանի քաղաքացիական հասարակության կայացմանը:

ՀՀ արդարադատության նախարարության տվյալներով՝ Հայաստանում գրանցված է ավելի քան 3,2 հազար հասարակական կազմակերպություն:-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
14:52
17 Մայիսի 2022
Երևանում հայտնել են Հայաստանի, Ռուսաստանի և Ադրբեջանի փոխվարչապետերի առաջիկա հանդիպման մասին
Երևանում հայտնել են Հայաստանի, Ռուսաստանի և Ադրբեջանի փոխվարչապետերի առաջիկա հանդիպման մասին
11:36
17 Մայիսի 2022
Միրզոյանի նախագահությամբ Բրյուսելում կանցկացվի Հայաստան–ԵՄ գործընկերության խորհրդի նիստը
Միրզոյանի նախագահությամբ Բրյուսելում կանցկացվի Հայաստան–ԵՄ գործընկերության խորհրդի նիստը
00:30
17 Մայիսի 2022
Կցանկանայի Ձեզ հետ կիսվել որոշակի տեղեկատվությամբ. Փաշինյանը՝ Պուտինին (ՎԻԴԵՈ)
Պուտինը Փաշինյանին ասել է, որ հարցերը շատ են, ուրախ է նրա հետ հանդիպելու հնարավորության և բոլոր թեմաների շուրջ խոսելու համար. ՎԻԴԵՈ
19:41
16 Մայիսի 2022
«Ցավոք, ՀԱՊԿ-ը չի արձագանքել այնպես, ինչպես սպասում էինք. Փաշինյանը՝ ՀՀ սուվերեն տարածք Ադրբեջանի ներխուժման մասին (ՎԻԴԵՈ)
«Ցավոք, ՀԱՊԿ-ը չի արձագանքել այնպես, ինչպես սպասում էինք. Փաշինյանը՝ ՀՀ սուվերեն տարածք Ադրբեջանի ներխուժման մասին. ՎԻԴԵՈ
13:37
16 Մայիսի 2022
Վաղը առավոտյան շատ կարևոր գործ ունենք անելու. Իշխան Սաղաթելյանը հանդես է եկել կոչով (ՎԻԴԵՈ)
Վաղը առավոտյան շատ կարևոր գործ ունենք անելու. Իշխան Սաղաթելյանը հանդես է եկել կոչով. ՎԻԴԵՈ
10:42
16 Մայիսի 2022
Մի քանի ավտոշարասյուն միաժամանակ մասնակցում է ընդդիմության բողոքի ակցիային
Երևանում, չնայած հորդառատ անձրևին և ջերմաստիճանի զգալի նվազմանը, միանգամից մի քանի ավտոշարասյուն երթեր է կազմակերպել, որոնց մասին նախօրեին հայտարարել էր ընդդիմությունը
00:06
16 Մայիսի 2022
Հինգ հասցեներ, որտեղից վաղը 08:00-ին կմեկնարկեն ավտոերթերը Երևանում
Հինգ հասցեներ, որտեղից վաղը 08:00-ին կմեկնարկեն ավտոերթերը Երևանում
20:41
12 Մայիսի 2022
Միրզոյանը Դուշանբեում հանդիպեց Լավրովին ու Բայրամովին. ի՞նչ քննարկեցին նախարարները (ՎԻԴԵՈ)
Միրզոյանը Դուշանբեում հանդիպեց Լավրովին ու Բայրամովին. ի՞նչ քննարկեցին նախարարները. ՎԻԴԵՈ
15:44
12 Մայիսի 2022
Հայաստան է ժամանում ՌԴ փոխվարչապետ Օվերչուկը
Հայաստան է ժամանում ՌԴ փոխվարչապետ Օվերչուկը, նա Հայաստանի, Ռուսաստանի և Ադրբեջանի եռակողմ աշխատանքային խմբի համանախագահն է
11:32
12 Մայիսի 2022
Միրզոյանն այսօր կմեկնի Դուշանբե, հանդիպելու է Բայրամովի հետ
Միրզոյանն այսօր կմեկնի Դուշանբե, հանդիպելու է Բայրամովի հետ
10:57
12 Մայիսի 2022
ԱՄՆ պետքարտուղարն Ալիևի հետ քննարկել է հայ ռազմագերիների ազատ արձակման հարցը
ԱՄՆ պետքարտուղարն Ալիևի հետ քննարկել է հայ ռազմագերիների ազատ արձակման հարցը
21:35
11 Մայիսի 2022
Առաջիկայում նախատեսվում է Հայաստանի և Ադրբեջանի ԱԳ նախարարների հանդիպումը
Առաջիկայում նախատեսվում է Միրզոյանի և Բայրամովի հանդիպումը