ԱԷՄԳ-ն բավարարված է Հայաստանի հետ համագործակցությամբ
Ատոմային էներգիայի միջազգային գործակալության գլխավոր տնօրեն Մուհամեդ էլ Բարադեյը գոհունակություն է հայտնել Հայաստանի հետ համագործակցության մակարդակից։
Ինչպես հինգշաբթի «Նովոստի-Արմենիա» գործակալությանը հայտնեցին հայկական ԱԳՆ մամուլի և տեղեկատվության վարչությունից, այս մասին Բարադեյը հայտարարել է միջազգային կազմակերպություններում ՀՀ մշտական ներկայացուցիչ Աշոտ Հովակիմյանի հետ հանդիպման ժամանակ, որը գործակալության ղեկավարին է հանձնել իր նշանակման մասին ՀՀ ԱԳ նախարարի նամակը։
ԱԷՄԳ գլխավոր տնօրենը ողջունել է դեսպան Հովակիմյանին և իր գոհունակությունը հայտնել ԱԷՄԳ-ի հետ Հայաստանի համագործակցության կապակցությամբ: Էլ Բարադեյն անդրադարձել է ԱԷՄԳ գործունեության տարբեր բնագավառներում Հայաստանի հետ համատեղ իրականացվող ծրագրերին և փոխադարձ հետաքրքրություն ներկայացնող այլ խնդիրներին:
Իր հերթին հայ դիվանագետը շնորհակալություն է հայտնել ջերմ ընդունելության համար և բարձր գնահատել կազմակերպության հետ ՀՀ համագործակցությունը: Նա ներկայացրել է էներգետիկայի ոլորտում Հայաստանի առջև կանգնած խնդիրները, ինչպես նաև անդրադարձել տարածաշրջանային վերջին զարգացումներին:
Զրուցակիցները հետագայում ևս արդյունավետ համագործակցության շարունակման հույս են հայտնել:--0--
