Պուտինը հրավիրել է Փաշինյանին և Ալիևին հանդիպել Ռուսաստանում

ԵՐԵՎԱՆ, 14 հոկտեմբերի./Նովոստի–Արմենիա/. ՌԴ նախագահ Վլադիմիր Պուտինը հրավիրել է ՀՀ վարչապետ Նիկոլ Փաշինյանին և Ադրբեջանի նախագահ Իլհամ Ալիևին հանդիպել Ռուսաստանում, հաղորդում է ՌԻԱ Նովոստին։

«Հաճույքով հրավիրում եմ և Ադրբեջանի առաջնորդին, և Հայաստանի վարչապետին։ Դուք կարող եք համաձայնեցնել ամսաթիվը, և ես հասկանում եմ, որ հիմա հետաքրքրվածություն կա հանդիպել Ռուսաստանում», – ասել է նա ԱՊՀ գագաթնաժողովի շրջանակում նեղ կազմով հանդիպման ժամանակ։

Պուտինը նշել է, որ կարող է լինել ցանկացած քաղաք` Սոչի, Մոսկվա, Պետերբուրգ։

Ավելի վաղ ՌԴ նախագահի օգնական Յուրի Ուշակովը հայտարարել է, որ Ռուսաստանը մտադիր է առաջարկել Հայաստանին և Ադրբեջանին անցկացնել հերթական եռակողմ գագաթնաժողովը, առաջիկայում նախատեսվում է համաձայնեցնել դրա անցկացման ժամկետները։–0–