Լավրովը կայցելի Երևան

ԵՐԵՎԱՆ, 3 հունիսի./Նովոստի-Արմենիա/. ՌԴ ԱԳ նախարար Սերգեյ Լավրովը Երևանում կմասնակցի ՀԱՊԿ ԱԳ նախարարների խորհրդի նիստին։ Այս մասին ուրբաթ հայտարարեց ՌԴ ԱԳՆ պաշտոնական ներկայացուցիչ Մարիա Զախարովան:

«Հանդիպման մասնակիցները պետք է ամփոփեն ՀԱՊԿ շրջանակում բազմակողմ համագործակցության արդյունքները և քննարկեն հետագա փոխգործակցության հեռանկարները: Միջոցառման ընթացքում նախատեսված է մտքերի խորը փոխանակում միջազգային, տարածաշրջանային իրավիճակի և կազմակերպության անդամների անվտանգության վրա դրա ազդեցության վերաբերյալ»,- ասաց Զախարովան։

Կողմերը կքննարկեն նաև ՀԱՊԿ ճգնաժամային արձագանքման մեխանիզմների կատարելագործմանը վերաբերող հարցեր։ Ակնկալվում է, որ կստորագրվի ՀԱՊԿ անդամ պետությունների ներկայացուցիչների խորհրդակցությունների պլանը 2022-2024 թվականների արտաքին քաղաքականության, պաշտպանության և անվտանգության հարցերի շուրջ։ -0-