ԵՐԵՎԱՆ, 3 մայիսի. /Նովոստի-Արմենիա/. ԵՄ-ն մայիսի 4-ից կարող է պայմանականորեն հավանություն տալ Թուրքիայի հետ մուտքի արտոնագրի ռեժիմի չեղարկմանը, հաղորդում է BBC-ն:
Ընդ որում, ինչպես հեռուստաընկերությանը նշել են աղբյուրները, մուտքի արտոնագրի ռեժիմի չեղարկումը Եվրամիությունը ընդունելու է մեծ դժկամությամբ: Չնայած, որ Թուրքիան, ամենայն հավանականությամբ, չի կատարի մուտքի արտոնագրի ռեժիմի չեղարկման համար անհրաժեշտ պահանջների նույնիսկ կեսը, ԵՄ-ն ստիպված կլինի դիմել այդ քայլին` փախստականների հետ կապված իրավիճակի սրումից խուսափելու համար: Մուտքի արտոնագրի ռեժիմի պահպանման դեպքում Անկարան սպառնում է խզել միգրացիոն ճգնաժամի լուծման հարցում անմիաջական մասնակցության մասին համաձայնագիրը:
Հեռուստաընկերությունը հիշեցնում է, որ բացի մուտքի արտոնագրերի վերացումից, Թուրքիան կստանա նաև երեք միլիարդ եվրո` փախստականների հետ կապված խնդրի լուծման համար, ինչպես նաև յուրաքանչյուր վերադարձված անօրինական բնակչին կփոխանակի թուրքաբնակ սիրիացի փախստականով, որին ԵՄ-ն պարտավորվում է ընդունել որպես ԵՄ քաղաքացի, հաղորդում է Փրայմը:
Թուրքիայի նկատմամբ Եվրամիության պահանջների շարքում են (որոնք խոչընդոտում են վիզայի ռեժիմի չեղարկմանը) խոսքի ազատությանը և արդարադատությանը վերաբերող պահանջները: Ավտոկրատական ոճը, որով թուրքական իշխանություները հաշվեհարդար են տեսնում ընդդիմադիր լրագրողների հետ, չի կարող ընդունվել ԵՄ–ի կողմից, սակայն միությունը ստիպված է մերվել այս խախտումների հետ հասարակության հսկայական ճնշման պատճառով, եզրափակում է հեռուստաընկերությունը:-0-