ԵՐԵՎԱՆ, 6 հոկտեմբերի./Նովոստի-Արմենիա/. Երեքշաբթի՝ հոկտեմբերի 6-ին Հայկական Միասնական տեղեկատվական կենտրոնում տեղի ունեցած ասուլիսի ժամանակ ՊՆ ներկայացուցիչ Արծրուն Հովհաննիսյանը ներկայացրել է առաջնագծում տիրող օպերատիվ իրավիաճակը և վերջին օրվա ընթացքում հակառակորդի կորուստները:
Առավոտյան կրկին սկսվեց Ստեփանակերտի հրետակոծությունը, որի հետևանով կան վիրավորներ:
«Ցերեկվա ժամերին թեժացել են մարտերը հարավային ուղղությամբ: Հակառակորդը նորից հարձակման փորձեր կատարեց Արաքս գետի երկայնքով՝ կիրառելով հետևակ, զրահատեխնիկա, շարժական խմբեր, այս կազմում գործում են նաև ոչ Ադրբեջանի ԶՈՒ ենթակայության զինծառայողներ», - նշել է նա։
Հովհաննիսյանը հայտնել է, որ հոկտեմբերի 6-ի առավոտվա տվյալներով՝ հակառակորդի կորուստները կազմում են՝ 300 զոհ, 11 զրահատեխնիկա, երկու ուղղաթիռ, երկու ԱԹՍ։ Ընդ որում նա ընդգծել է, որ այս թիվը չի ներառում այսօր ցերեկվա մարտերի ընթացքում հակառակորդի կրած կորուստները:
Հովհաննսիյանը նշել է, որ այսօրվա մարտական գործողութունների հետևանքով հակառակորդի կորուստները կներկայացնեն վաղը։
«Այսուհետ հակառակորդի կորուստները ներկայացվելու են հաջորդ օրվա առավոտյան»,- նշել է նա:
Արցախում իրավիճակի սրման մասին
Սեպտեմբերի 27–ին ժամը 07։10–ին Ադրբեջանի ԶՈւ–ն լայնածավալ գործողություններ է սկսել Արցախի շփման գծի ողջ երկայնքով։ Հայաստանի և Արցախի ՊՆ–ների հաղորդմամբ, հակառակորդը սկսել է օդային և հրթիռային հարձակումներ, սակայն հետ է ամղվել մի քանի ուղղություններով։
Ադրբեջանական կողմը կրել է կենդանի ուժի մեծաքանակ կորուստներ, կորցրել է նաև մեծ քանակի տեխնիկա։
Հայկական կողմը միջազգային հանրությանը, այդ թվում ՝ ԵԱՀԿ ՄԽ համանախագահներին, տեղեկացրել է Արցախի դեմ Ադրբեջանի կողմից իրականացված ագրեսիայի, այդ թվում՝ խաղաղ բնակավայրերի հրթիռակոծման մասին:
Արցախի և Հայաստանի ՊՆ–ների հաղորդմամբ, հայկական կողմից զոհվել է 100-ից ավելի զինծառայող, կան բազմաթիվ վիրավորներ։
Արցախում և Հայաստանում հայտարարվել է ռազմական դրություն և համընդհանուր զորահավաք։-0-