ԵՐԵՎԱՆ, 14 հոկտեմբերի./Նովոստի-Արմենիա/. ՀՀ վարչապետ Նիկոլ Փաշինյանը հայտնել է, որ թուրք-ադրբեջանական հարձակումն Արցախի վրա անսպասելի չի եղել և համեմատել միջազգային հանրության արձագանքը Մյունխենյան համաձայնության հետ:
Загружается новость ... "Лево"
«Այս իրավիճակում մենք փորձեցինք գործի դնել ռազմավարական զսպման մեխանիզմներ՝ այն պարզ հաշվարկով, որ եթե Թուրքիան Հարավային Կովկասում հասնի իր նպատակներին, դա անխուսափելիորեն հանգեցնելու է իրադարձությունների շղթայական ռեակցիայի, և հետևաբար՝ տարածաշրջանային և արտատարածաշրջանային այն երկրները, որոնք անխուսափելիորեն դառնալու են այդ ապակայունացմաn օբյեկտ, պետք է ռազմավարական զսպման գործողություններ ձեռնարկեն»,- հայտնել է նա չորեքշաբթ իր ուղերձի ժամանակ:
Նրա խոսքով, այս փուլում, սակայն, արձանագրվեց մի տարօրինակ հանգամանք:
«Ռազմավարական զսպման հնարավորություն ունեցող մի շարք երկրներ պատշաճ չգնահատեցին վտանգը՝ հարցը շարունակելով դիտել Ղարաբաղի հակամարտության համատեքստում և ըստ էության համարելով, որ տարածքներ խաղաղության դիմաց բանաձևն է, որ կարող է փրկել իրադրությունը»,- նշել է նա:
Փաշինյանը նշել է, որ սա, անընդունելի է հայկական կողմից համար և շատ նման է 1938 թվականի Մյունխենյան համաձայնությանը, երբ իբր հանուն խաղաղության Եվրոպական մի շարք տերություններ Գերմանիային զիջեցին Չեխոսլովակիան:
«Իսկ թե ինչ եղավ հետո, գիտեք բոլորդ: Եվ հիմա հարցը հետևյալն է՝ արդյոք աշխարհը թո՞ւյլ է տալու մի նոր Հիտլերի ձեւավորումը՝ այս անգամ Փոքր Ասիայում»,- հարց է բարձրացրել վարչապետը: -0-