ԵՐԵՎԱՆ, 11 նոյեմբերի./Նովոստի–Արմենիա/. Հայաստանի Հանրապետություն ժամանացած ռուսական խաղաղապահ զորամիավորման զինծառայողները շարժվել են դեպի օպերացիայի կատարման շրջան` ղարաբաղյան հակամարտության գոտում կրակի դադարեցման և ռազմական գործողությունների վերահսկման խնդիրների կատարման գոտի, գրում է
ՏԱՍՍ–ը` հղում անելով ՌԴ ՊՆ–ի հաղորդագրությանը։
«Ռազմական շարասյուները պետք է անցնեն ավելի քան 250կմ և տեղակայեն խաղաղարար զորակազմ` Լեռնային Ղարաբաղի շփման գծի և Լաչինի միջանցքի երկայնքով ռուս դիտորդական դիրքերի տեղակայմամբ», – նշվում է հաղորդագրության մեջ։
Ավելի վաղ հաղորդվել է, որ Ռուսաստանից Իլ–76 20 ինքնաթիռներով հակամարտության գոտի է արդեն ժամանել 15 խաղաղապահ բրիգադների ավելի քան 400 խաղաղապահ։
ՌԴ ՊՆ–ից նշել են, որ ղարաբաղյան հակամարտության գոտում խաղաղապահ զորակազմի տեղակայման համար ընդհանուր առմամբ տեղափոխվել է 1960 զինծառայող, 90 զրահամեքենա, 380 միավոր ավտոմոբիլային և հատուկ տեխնիկա։
Եռակողմ հայտարարության մասին
ՌԴ նախագահ Վլադիմիր Պուտինը նախօրեին հայտարարել է, որ Հայաստանի և Ադրբեջանի զինված ուժերը կանգ են առնում իրենց զբաղեցրած դիրքերում, իսկ Լեռնային Ղարաբաղի շփման գծի երկայնքով և Լեռնային Ղարաբաղը Հայաստանի Հանրապետության հետ կապող միջանցքով, տեղակայվում են Ռուսաստանի Դաշնության խաղաղապահ զորակազմ:
Լեռնային Ղարաբաղում ռազմական գործողությունների դադարեցման մասին համաձայնագիրը ենթադրում է նաև փախստականների վերադարձ տարածաշրջան:
Ներքին տեղահանված անձինք և փախստականները վերադառնում են Լեռնային Ղարաբաղի տարածք և հարակից տարածք` ՄԱԿ-ի փախստականների հարցերով գերագույն հանձնակատարի վերահսկողության ներքո:
Պետք է տեղի ունենա «ռազմագերիների, այլ կալանավորվածների և մահացածների մարմինների փոխանակում»: Տարածաշրջանի բոլոր տնտեսական և տրանսպորտային կապերն ապաարգելափակվում են: Տրանսպորտային հաղորդակցությունների նկատմամբ հսկողությունն իրականացվում է Ռուսաստանի Սահմանապահ ծառայության [ԱԴԾ] մարմինների օժանդակությամբ:
Ռուսաստանի ղեկավարն ակնկալում է, որ «ձեռք բերված պայմանավորվածությունները անհրաժեշտ պայմաններ կստեղծեն Լեռնային Ղարաբաղի շուրջ ստեղծված ճգնաժամի երկարաժամկետ և ամբողջական ձևաչափով կարգավորման համար արդար հիմքի վրա և հայ և ադրբեջանցի ժողովուրդների շահերի համար»:-0-
