ՌԴ ԱԻՆ օպերատիվ խումբը մեկնել է Արցախ

18:44

15 Նոյեմբերի 2020

ԵՐԵՎԱՆ, 15 նոյեմբերի./Նովոստի–Արմենիա/. ՌԴ ԱԻՆ օպերատիվ խումբը, որում ներառված է 30 մարդ, Մերձմոսկվայի «Ժուկովսկի» օդանավակայանից մեկնել է Արցախ` տեղի բնակչությանն օգնություն ցուցաբերելու համար, հաղորդում է ՏԱՍՍ–ը` հղում անելով ՌԴ ԱԻ նախարար Եվգենի Զինիչևին։

«Կենտրոնական ապարատի մասնագետներից բաղկացած օպերատիվ խումբը կգնահատի իրավիճակն ու կհամակարգի հետագա գործողությունները, որոնք վերաբերում են քաղաքացիական բնակչությանն անհրաժեշտ օգնություն ցուցաբերելուն։ Արցախ է ուղարկվել 30 մարդ», – ասել է նա։

Բացի այդ, պատրաստվածության աստիճանի է հասցվել նախարարության փրկարար կենտրոնների 150 մասնագետներից բաղկացած խումբն ու 20 միավոր տեխնիկա։ Տեղի բնակչությանը բժշկական օգնություն ցուցաբերելու անհրաժեշտության դեպքում ԱԻՆ–ը պատրաստ է ուղարկել աերոմոբիլային հոսպիտալ։

Загружается новость ... "Лево"

Այսօր ավելի վաղ ՌԴ պաշտպանության վերահսկման ազգային կենտրոնը տեղեկացրել էր, որ ՌԴ Պաշտպանության նախարարությունը Ստեփանակերտում ձևավորում է Հումանիտար արձագանքման միջգերատեսչական կենտրոն, որի խմբավորումը մեծացնելու համար այսօրվանից իրականացվում է ՌԴ ԱԻՆ օպերատիվ խմբի վերաբազավորում, որը կներառվի Օպերատիվ արձագանքման միջգերատեսչական կենտրոնի կազմում։

Առաջիկայում խումբը կընդլայնվի նաև ՌԴ ԱԴԾ Սահմանային ծառայության ուժերի և միջոցների, գործադիր իշխանության այլ դաշնային մարմինների ներկայացուցիչների հաշվին։ Նոյեմբերի 13–ին ՌԴ նախագահ Վլադիմիր Պուտինը ստորագրել է հրամանագիր Լեռնային Ղարաբաղի համար Հումանիտար արձագանքման միջգերատեսչական կենտրոն ստեղծելու մասին։ Կենտրոնի կազմում ներառվել են ԱԻՆ–ի,ԱԳՆ–ի և ԱԴԾ–ի ներկայացուցիչները, «գործադիր իշխանության այլ շահագրգիռ դաշնային մարմինների» ներկայացուցիչները, կազմակերպչական հարցերի լուծումը ստանձնում է Պաշտպանության նախարարությունը։–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

#ՌԴ #ԱԻՆ #Արցախ

Թեմատիկ նյութեր