Քոչարյան. «Հայաստանը ձեռքերը լվացել է Ղարաբաղից, կուկլավոդների ծրագիր է իրականացվում» (ՎԻԴԵՈ)

ԵՐԵՎԱՆ, 27 դեկտեմբերի./Նովոստի–Արմենիա/. Հայաստանը ձեռքերը լվացել է Ղարաբաղից, կամ չեն հասկանում՝ ինչ են անում, կամ անում են ծրագրավորված, կուկլավոդների ծրագիր է իրականացվում Հայաստանում, կարծում է ՀՀ երկրորդ նախագահ, «Հայաստան» ընդդիմադիր դաշինքի ղեկավար Ռոբերտ Քոչարյանը։


«Մենք որոշակիություն ստացել ենք ԼՂ կարգավիճակի վերաբերյալ Հայաստանի դիրքորոշմանն առնչվող: Արդեն հասկանալի է, որ եթե վարչապետն ասում է, որ 2016-ից որևէ` նույնիսկ տեսական հնարավորություն չկար Ղարաբաղը Ադրբեջանից դուրս կարգավիճակի համար, սա Հայաստանի դիրքորոշումն է», – ասաց Քոչարյանն այսօր ասուլիսի ժամանակ։

«Սա նշանակում է, որ Հայաստանը ձեռքերը լվացել է Ղարաբաղից: Այս վերջին հայտարարություններով վարչապետն, ըստ էության, կասկածի տակ դրեց Արցախի սեպտեմբերի 2-ի հռչակագիրը (1991թ.–ի, Արցախի անկախության հռչակագիրը, խմբգր.), որը Ղարաբաղի գոյության, ձևավորման հիմքում է դրված: Կամ չեն հասկանում՝ ինչ են անում, կամ անում են ծրագրավորված, կուկլավոդների ծրագիր է իրականացվում Հայաստանում», – հայտարարեց նա։

Քոչարյանն անցնող տարին Հայաստանի անվտանգության ոլորտում գնահատեց որպես կատարյալ ձախողում, քանի որ տարվա ընթացքում ոչ միա հարց չկարգավորվեց։–0–