Կարմիր խաչի աշխատակիցներն այցելել են Ադրբեջանում գտնվող գերեվարված զինծառայողներին ու քաղաքացիական անձանց

ԵՐԵՎԱՆ, 24 նոյեմբերի./Նովոստի–Արմենիա/. Ռուսաստանի Դաշնության խաղաղապահ զորախմբի և «Կարմիր խաչի» միջազգային կոմիտեի ներկայացուցիչների միջնորդությամբ այժմ ընթանում են անհայտ կորածների որոնման և զոհվածների մարմինների դուրսբերման աշխատանքներ։


Այս մասին նշվում է Հայկական միասնական տեղեկատվական կենտրոնի Facebook–յան էջում։

Կողմերի հետ համաձայնեցված որոնողական աշխատանքները տեղի են ունենում ամենօրյա ռեժիմով՝ ընդգրկելով Արցախի սահմանային բոլոր ուղղությունները։

«Գերիների վերադարձը և զոհվածների մարմինների փոխանակումը պետական մարմինների առաջնահերթություններից մեկն է, որի ուղղությամբ շարունակվում են համալիր ջանքերը, ինչի շրջանակներում նաև «Կարմիր խաչի» աշխատակիցներն այցելել են ռազմական գործողությունների հետևանքով Ադրբեջանում գտնվող գերեվարված զինծառայողներին ու քաղաքացիական անձանց», – նշվումէ հաղորդագրության մեջ:–0–