ԵՐԵՎԱՆ, 24 նոյեմբերի./Նովոստի–Արմենիա/. Ռուսաստանը հույս ունի, որ միջազգային կազմակերպությունները կմասնակցեն Լեռնային Ղարաբաղի հակամարտության հետագա կարգավորման գործընթացում։
Загружается новость ... "Лево"
Այս մասին հայտարարել է ՌԴ նախագահ Վլադիմիր Պուտինը երեքշաբթի Կրեմլում հավատարմագրերի հանձնման արարողության ժամանակ, հաղորդում է
ՏԱՍՍ–ը։
Նրա խոսքով, Ղարաբաղում «իրավիճակը հիմնականում կայունանում է, իր աշխատանքն է սկսում հումանիտար արձագանքման ռուսական կենտրոնը, որը կզբաղվի տուժած շրջանների բնակիչներին աջակցության ցուցաբերմամբ, ենթակառուցվածքի վերականգնմամբ, նորմալ, խաղաղ կյանքի պայմանների ձևավորմամբ»։
«Այս պայմաններում հույս ունենք, որ միջազգային պրոֆիլային կազմակերպությունները կունենան ծանրակշիռ մասնակցություն։ Եվ այս ամենը նախադրյալներ է ստեղծում հնացած հակամարտության երկարատև ու լայնաֆորմատ կարգավորման համար` արդար հիմքով` ելնելով ադրբեջանցի և հայ ժողովուրդների շահերից», – ասել է Պուտինը։–0–