Արցախցի կանայք ՄԱԿ–ին են փոխանցել Ադրբեջանի վայրագության մասին տեղեկություններ. տվյալները կփոխանցվեն Նյու Յորք (ՎԻԴԵՈ)
01:53
20 Հոկտեմբերի 2020
ԵՐԵՎԱՆ, 20 հոկտեմբերի./Նովոստի–Արմենիա/. Երևանում բողոքի ակցիա կազմակերպած արցախցի կանայք, ովքեր ստիպված լքել են Արցախը պատերազմի պատճառով, հասել են նրան, որ իրենց ընդունել է ՀՀ–ում ՄԱԿ–ի մշտական համակարգող Շոմբի Շարփը։
Կանայք Շարփին են փոխանցել նամակ` իրենց պահանջներով և տեղեկություններով Արցախում Ադրբեջանի կողմից իրականացվող վայրագությունների մասին։
Հոկտեմբերի 19–ին արցախցի կանայք երեխաների հետ բողոքի ակցիա էին կազմակերպել Երևանում ՄԱԿ–ի գրասենյակի առաջ` պահանջելով ճանաչել Արցախի հանրապետությունն ու դադարեցնել ադրբեջանա–թուրքական–ահաբեկչական ագրեսիան։
Загружается новость ... "Лево"
Ակցիայի մասնակից Սիրանուշ Սարգսյանը «Նովոստի–Արմենիա» գործակալության թղթակցին ասաց, որ ցուցարարները Շարփին պատմել են այն ամենն, ինչ տեսել ու ինչի միջով անցել են Արցախում։
«Ինչ հնարավոր էր, մենք պատմել ենք ու մի քանի անգամ նշել ենք` պարզապես եկեք մեզ հետ։ Եկեք Արցախ ու ամեն ինչ կտեսնեք ձեր աչքերով։ Ներկայացուցիչը (Շոմբի Շարփը) ասաց, որ կցանկանար գալ (Արցախ), բայց դա իրենից կախված չէ։ Այդ թույլտվությունը պետք է տրվի տարածաշրջանային կամ նյույորքյան գրասենյակի կողմից», – ասաց նա։
Սարգսյանի խոսքով, Շարփն իրենից հայտնել է, որ ամեն օր Նյու Յորքի գլխավոր գրասենյակին տեղեկություններ է հայտնում Արցախում տիրող իրավիճակի մասին և խոստացել է ՄԱԿ–ի ղեկավարությանը ներկայացնել կանանց նամակը։
Պատերազմի սկզբից հայկական սփյուռքի ներկայացուցիչները կազմակերպում են բողոքի բազմահազարանոց ակցիաներ աշխարհի տարբեր երկրներում` ի աջակցություն Հայաստանի և Արցախի, պահանջելով դատապարտել Ադրբեջանի ագրեսիան, ճանաչել Արցախի անկախությունը։ Ցուցարարներն անգամ փակել են Եվրոպայի միջպետական մայրուղիները` ուշադրություն գրավելով իրենց պահանջներին։
Երևանում հոկտեմբերի 12–ից կազմակերպվում են խաղաղ քայլերթեր դեպի տարբեր երկրների դեսպանատներ` Արցախի անկախությունը ճանաչելու պահանջով։–0–
Սամվել Շահրամանյանը հայտարարել է, որ Արցախի Հանրապետության իրավական դաշտում գոյություն չունի փաստաթուղթ, որով նախատեսվում է լուծարել պետական ինստիտուտները
Արցախի պետական ինստիտուտները Հայաստանում գործում են՝ ի՞նչ անեն, ի՞նչ ֆունկցիա պետք է իրականացնեն, Հայաստանի Հանրապետություն կա, որի ինստիտուտները գործում են, հայտարարել է ՀՀ նախագահը․ ՎԻԴԵՈ