Վտանգավոր վայրէջք թռիչքուղուց դուրս. ուղևորատար օդանավն արտակարգ վայրէջք է կատարել Քենիայում (ՖՈՏՈ, ՎԻԴԵՈ)

ԵՐԵՎԱՆ, 28 փետրվարի./Նովոստի-Արմենիա/. Քենիայում «Fly 540» ավիաընկերությանը պատկանող DHC-8-300 օդանավը հարկադիր արտակարգ վայրէջք է կատարել թռիչքուղուց դուրս: Դեպքի մասին հայտնել է «Aeronews»-ի Facebook-յան էջը:  



Նախնական տեղեկություններով, արտակարգ վայրէջքի պատճառը շարժիչի հետ մեխանիկական բնույթի խնդիրներ են եղել, որոնք ի հայտ են եկել օդանավի օդ բարձրանալուց հետո. հաղորդում է standardmedia.co.ke կայքը: Օդանավը նոր էր դուրս եկել թռիչքուղուց, երբ շարժիչի աշխատանքը խաթարվել է:

Օդանավում գտնվող 49 ուղևորները և անձնակազմի 5 անդամները անվնաս տեղ են հասցվել:

Օդանավը Քենիայի Լոդվար քաղաքից ուղևորվում էր Նայրոբի: 

Տեսանյութը՝ Standard Digital Videos-ի