«Երևանյան դրիֆթ». Nissan-ի վարորդը կաթվածահար է արել կենտրոնական ճանապարհներից մեկի երթևեկը (ՎԻԴԵՈ)
21:02
04 Ապրիլի 2019
ԵՐԵՎԱՆ, 4 ապրիլի./Նովոստի–Արմենիա/. Nissan-ի վարորդը կաթվածահար է արել Երևանի կենտրոնական ճանապարհներից մեկի երթևեկը, ինչից հետո բերման է ենթարկվել ոստիկանություն։
«Սոցցանցում տեսանյութ էր տարածվել, որտեղ մայրաքաղաքի Սարալանջի փողոցում «Նիսսան» մակնիշի ավտոմեքենան, բացահայտ անհարգալից վերաբերմունք ցուցաբերելով երթևեկության այլ մասնակիցների նկատմամբ, կոպտորեն խախտելով ճանապարհային երթևեկության կանոնները, ճանապարհի կենտրոնում, այսպես ասած՝ «դրիֆթում» է»,– ասվում է գերատեսչության մամուլի հաղորդագրության մեջ։
Ոստիկանության պետ Վալերիյ Օսիպյանը հանձնարարել է անմիջապես հայտնաբերել խախտում թույլ տված վարորդին ու ենթարկել պատասխանատվության՝ օրենքի ողջ խստությամբ։
Ոստիկանության ծառայողները ուսումնասիրել են տեսանյութը և հայտնաբերել օրինազանց վարորդին, որը բերման է ենթարկվել ոստիկանության Կենտրոնական բաժին։ Իսկ ավտոմեքենան տեղափոխվել է ճանապարհային ոստիկանության պահպանվող հատուկ տարածք։
Քննարկվում է քրեական գործ հարուցելու լուծման հարցը։
Ոստիկանությունը կրկին հորդորում է խստագույնս պահպանել ճանապարհային երթևեկության կանոնները՝ անմիտ արարքներով չվտանգելով երթևեկության մյուս մասնակիցների կյանքն ու առողջությունը։ -0-
Ինֆորմատիկայի պետական քոլեջի 17–ամյա ուսանողի սպանության վարույթով երկու անձի մեղադրանք է ներկայացվել, ևս մեկի նկատմամբ հայտարարվել է հետախուզում․ ՖՈՏՈ