Ազատաշեն գյուղում 100 ճուտ է սատկել հրդեհի հետևանքով

ԵՐԵՎԱՆ, 21 մարտի․/Նովոստի–Արմենիա/․ Մարտի 20-ին, ժամը 14:01-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ հրդեհ է բռնկվել Ազատաշեն գյուղի 10-րդ փողոցի տներից մեկի տանիքում, հաղորդում է ՀՀ Փրկարար ծառայությունը։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Հրդեհը մեկուսացվել է ժամը 14։38-ին, մարվել՝ 15։07-ին: Այրվել են տան տանիքի փայտե կառուցատարրերը՝ մոտ 100 քմ, օժանդակ շինությունում սատկել է 100 ճուտ։-0-