Երևանում մարդատար «Գազել» է այրվել (ՎԻԴԵՈ)

ԵՐԵՎԱՆ, 6 մայիսի./Նովոստի–Արմենիա/. Երևանում մարդատար «Գազելը» բախվել է սյանը և բռնկվել։

ՀՀ ԱԻՆ Փրկարար ծառայության հաղորդմամբ, մայիսի 6-ին, ժամը 19:47-ին «911» ծառայությանն ահազանգ է ստացվել, որ Երևան քաղաքի Ռուբինյանց փողոցում՝ «Երևան Սիթի» սուպերմարկետի մոտակայքում, տեղի է ունեցել ՃՏՊ, «ԳԱԶել» մակնիշի ավտոմեքենան բախվել է սյանը և բռնկվել. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ:

Կտրվի լրացուցիչ տեղեկություն:

Հայկական ԶԼՄ–ների հաղորդմամբ, «Գազելը» սպասարկում էր թիվ 66 երթուղին, այն գրեթե ամբողջության այրվել է, տուժածներ չկան` ուղևորները հասցրել են դուրս գալ երթուղայինից։ Հրդեհն արդեն մարվել է։–0–