ԵՐԵՎԱՆ, 14 հունվարի./Նովոստի–Արմենիա/. Երեկ, հունվարի 13-ին, խոշոր ավտովթար է տեղի ունեցել Արագածոտնի մարզում։
Загружается новость ... "Лево"
Shamshyan.com–ի հաղորդմամբ, ժամը 23։00-ի սահմաններում Աշտարակ քաղաքի Տիգրան Մեծի փողոցում Արագածոտնի մարզի Ընդհանուր իրավասության դատարանի հարևանությամբ բախվել են Երևանի բնակիչ 26-ամյա Արմեն Չոբանյանի վարած Nissan X Trail մակնիշի և Աշտարակ քաղաքի բնակիչ 32-ամյա Գրիգոր Գրիգորյանի վարած Toyota մակնիշի ավտոմեքենաները։
Բախման հետևանքով Nissan X Trail-ը դուրս է եկել հանդիպակաց երթևեկելի գոտի, բախվել բազալտե եզրաքարին, առաջ ընթացել, բախվել ճամփեզրի արգելապատնեշին, ապա էլեկտրասյանը, նորից, առաջ ընթանալով, բախվել ճանապարհի թույլատրելի հատվածում կայանված Արցախի Հանրապետության բնակիչ 35-ամյա Տիգրան Բաղդասարյանին պատկանող Nissan մակնիշի ավտոմեքենային և, մոտ 50 մետր առաջ ընթանալով, կողաշրջված վիճակում հայտնվել ճանապարհի մեջտեղում։
Ըստ նախնական տեղեկությունների՝ վթարի հետևանքով, բարեբախտաբար, տուժածներ չկան։
Փաստի առթիվ նյութեր են նախապատրաստվում։ Ավտոմեքենան քաղաքացիների օգնությամբ դարձի է բերվել և տեղափոխվել անվտանգ վայր։–0–