Կենդանիների պաշտպաններն իրենց վրա են վերցրել ԱՄՆ-ում մսի կոմբինատի հրկիզման պատասխանատվությունը

Ոստիկանությունը ստուգում է անցկացնում Կալիֆոռնիայում գտնվող մսի ամենամեծ կոմբինատի հրկիզման գործով, որի պատասխանատվությունն իրենց վրա են վերցրել կենդանիների պաշտպանները, չորեքշաբթի հաղորդում է Ասոշիէյթիդ Փրես գործակալությունը:

Harris Farms ֆերմայում տեղի ունեցած հրդեհի պատասխանատվությունն իրենց վրա են վերցրել Կենդանիների ազատման հյուսիսամերիկյան կազմակերպության (North American Animal Liberation) ակտիվիստները: Էլեկտրոնային փոստով տարածած նրանց նամակում նկարագրվում է, թե ինչ միջոցներ են ձեռնարկել ակտիվիստները հրդեհ կազմակերպելու համար: Մի շարք միջոցների թվում նրանք նշում են նաև կերոսինի մեջ թաթախված պարանները:

Մայկ Քեզիի ֆերմայի ներկայացուցչի խոսքով՝ Harris Farms-ը սպառնալիքներ չի ստացել կենդանիների պաշտպանների կողմից:
Մսի կոմբինատում հրդեհը բռնկվել է կիրակի երեկոյան: Այն հանգցնելու համար 45 րոպե է պահանջվել, սակայն հրդեհը հասցրել է այրել 14 տրակտոր և մի քանի մեքենա:--0-