Լյուքսեմբուրգում հասարակական տրանսպորտը դարձել է անվճար

ԵՐԵՎԱՆ, 1 մարտի․ /Նովոստի-Արմենիա/․ Լյուքսեմուրգում փետրվարի 29-ից ողջ հասարակական տրանսպորտը՝ երկաթգիծը (բացառությամբ՝ առաջին դասի գնացքների), ավտոբուսները (բացառությամբ՝ մի շարք գիշերային երթուղիների) և տրամվայները, դարձել է անվճար։ Այս մասին հայտնում է DW.com-ը։

Ինչպես նշվել է Դքսության կայուն զարգացման նախարարությունում, որի կառուցվածքում ընդգրկված է նաև տրանսպորտի դեպարտամենտը, նմանատիպ միջոցառումներ նախկինում ձեռնարկվել են առանձին քաղաքների կողմից, բայց առաջին անգամ դրանք տարածվել են երկրի ամբողջ տարածքում:

Հասարակական տրանսպորտի անվճար աշխատանքի շնորհիվ՝ Լյուքսեմբուրգի իշխանությունները ցանկանում են ճանապարհներին պակասեցնել մեքենաների քանակը։ 41 մլն եվրո ծախսը կհատուցվի հարկերի գումարից։

Ամեն օր Գերմանիայից, Ֆրանսիայից, Բելգիայից մարդիկ գնում են Լյուքսեմբուրգ՝ աշխատանքի։

Լյուքսեմբուրգի մեծ դքսության Տարածությունը 2,6 հազ. քառակուսի կմ է, բնակչությունը՝ 526,510 մարդ։-0-