ԵՐԵՎԱՆ, 13 մարտի./Նովոստի-Արմենիա/. Կանադայի վարչապետ Ջասթին Թրյուդոյի կինը՝ Սոֆին վարակվել է կորոնավիրուսով: Այս մասին հինգշաբթի հայտնել են Կանադայի կառավարության մամուլի ծառայությունից, հաղորդում է korrespondent.net-ը:
«Բժշկական խորհրդատվությունից հետո Սոֆի Գրեգուար-Թրյուդոն անցել է COVID-19-ի թեստավորում: Արդյունքները դրական են եղել»,- նշվում է հաղորդագրության մեջ:
«Նա իրեն լավ է զգում, ձեռնարկվում են նախազգուշական միջոցներ, և նա ունի հիվանդության աննշան ախտանշաններ»,- հաղորդվում է մամուլի ծառայության հաղորդագրության մեջ:
Ինքը Թրյուդոն իրեն լավ է զգում, նա չունի կորոնավիրուսի ախտանիշներ, բայց իր կնոջ նման 14 օրերի ընթացքում կառավարության ղեկավարը կգտնվի տնային կարանտինի մեջ:
«Բժիշկների խորհրդով նա չի անցնելու կորոնավիրուսի թեստ այս փուլում, քանի որ ախտանիշներ չունի: Նույն պատճառներով բժիշկներն ասում են, որ վերջին շրջանում նրա հետ կոնտակտի մեջ եղող մարդկանց վտանգ չի սպառնում»,- նշում են մամուլի ծառայությունից:
Ավելի վաղ Կանադայի վարչապետ Ջասթին Թրյուդոն որոշում է կայացրել ինքնամեկուսացվել և անցնել աշխատանքի տնային ռեժիմի իր կնոջ՝ Սոֆիի մոտ առաջացած գրիպի ախտանիշների հայտնվելուց հետո: -0-
