Վարսեն Աղաբեկյանը նշանակվել է Պաղեստինի ԱԳ նախարար

ԵՐԵՎԱՆ, 29 մարտի․/Նովոստի–Արմենիա/․ Պաղեստինի նախագահ Մահմուդ Աբբասը հաստատել է նոր կառավարության կազմը՝ Մոհամմադ Մուստաֆայի գլխավորությամբ, հաղորդում է WAFA պաղեստինյան գործակալությունը։

Հայուհի Վարսեն Աղաբեկյանը նշանակվել է Արտաքին գործերի պետական նախարար։

Ինչպես հայտնում է «Առաջին լրատվականը», Աղաբեկյանը Պաղեստինի հայ համայնքի ներկայացուցիչ է, Հորդանանում բնակություն հաստատած պաղեստինցի փախստականների ընտանիքից։

Նա ծնվել է 1958 թ.–ին: Եղել է Պաղեստինում եկեղեցու գործերի վերահսկման նախագահական բարձրագույն հանձնաժողովի անդամ։–0–