ՌԴ-ում նախատեսվում է մինչև տարեվերջ թղթե անձնագիրը փոխարինել սմարթ քարտով

ԵՐԵՎԱՆ, 18 օգոստոսի./Նովոստի–Արմենիա/. ՌԴ թվային զարգացման, կապի և զանգվածային հաղորդակցությունների նախարարությունը մտադիր է մինչև 2021 թվականի վերջը թղթային անձնագիրը սմարթ քարտով փոխարինելու մասին որոշում ընդունել: Այս մասին հաղորդում է «ԱՌԿԱ Տելեկոմ» հեռահաղորդակցական պորտալը` հղում անելով ՏԱՍՍ–ին։

«Թղթե անձնագրի փոխարինման տեսանկյունից անհրաժեշտ է փոխել այն ավելի ժամանակակաից տարբերակով, դա սմարթ քարտն է: Ես կարծում եմ, որ նման որոշում կընդունենք մինչև այս տարվա վերջ»,-ասել է նա:

Նախարարը նաև նշել է, որ սմարթ քարտն ավելի հարմար է բոլոր անհրաժեշտ տվյալները պահելու համար։

«Մեր խնդիրն է հնարավորություն տալ ունենալ նաև թվային անձնագրի օրինակ, որը կարելի է QR կոդի տեսքով ցույց տալ հեռախոսով»,-հավելել է նա:-0-