ԵՐԵՎԱՆ, 5 հոկտեմբերի. /Նովոստի–Արմենիա/. Ազնավուրը ցանկանում էր ապրել 1 դար, նա այդ մասին խոստացել էր, բայց մահը վրա հասավ դրանից մի քանի տարի առաջ, աշխարհահռչակ շանսոնյե և դերասան Շառլ Ազնավուրի հրաժեշտի արարողությունը իր ելույթում հայտարարեց Ֆրանսիայի նախագահ Էմանուել Մակրոնը։
Загружается новость ... "Лево"
Ֆրանսիայի նախագահը նշել է, որ լինելով փախստականի զավակ, որը կրթություն չեր ունեցել, Ազնավուրը շատ արագ կերխով հասկացավ, որ Ֆրանսիան պետություն է պետության մեջ, հայրենիք է հայրենիքի մեջ։ «Բոլոր շնորհներից նա գերադասում էր հավատարմությունը՝ իր երկրին, ընտանիքին, նաև հավատարմությունը Հայաստանին, նա Հայաստանի զավակ էր, ընկերը, դեսպանը, բայց նաև երեխա, որը վերադարձավ իր ծնողների գիրկը, երբ տեղի ունեցավ 1988-ի երկրաշարժը։ Նա գիտեր իր երկրի ողբերգական պատմությունը, սակայն ոչինչ իրեն չկարողացավ ճնշել։ Նա ձայն տվեց այն մարդկանց, ում փորձում էին լրեցնել։ »,- ասել է Մակրոնը` նշելով, որ մեծ է Ազնավուրի դերը հայ–ֆրանսիական հարաբերությունների զարգացման գործում։
«Նա մի երկրի զավակն էր, որը երկար ժամանակ անտեսվել էր, նույնիսյկ ատելություն է եղել այդ ազգի նկատմամբ։ Նա իր երգերում ցույց էր տալիս իր նոստալգիան։ Նա ասում էր, որ կատարած բնաջնջումն երբեք չի մոռացվի», – նշել է Մակրոնը։
«Նա մեզ հետ պետք է լիներ հաջորդ շաբաթ՝ Հայաստանում Ֆրանկոֆոնիայի գագաթաժողովին: Նրա բացակայությունը կդառնա մեծ դատարկություն։ Մենք կփորձենք լինել արժանի նրան, ինչ նա պատգամել է»,- ասել է Ֆրանսիայի նախագահը:–0–