544.18
6.38
483.07
+5
Եղանակը Երևանում
Հայ

Գրավատների մասին հինգ միֆեր, պարզում ենք բոլոր նրբությունները

13:48
04 Նոյեմբերի 2020

ԵՐԵՎԱՆ, 4 նոյեմբերի./Նովոստի–Արմենիա/. Գրավատների շուրջ շրջանառվում են բազմաթիվ ասեկոսեներ, և նրանց ամբողջ գործունեությունը շրջապատված է այնքան շատ սուտ ու կեղծ ինֆորմացիայով, որ մենք պարզապես ցանկացանք պարզել` որն է ճշմարտություն, իսկ որը` սուտ։ Ի՞նչ է իրենից ներկայացնում է այս հնագույն ֆինանսական ինստիտուտներից մեկը, ինչպե՞ս է աշխատում, ի՞նչ թաքնված կողմերի կարող եք հանդիպել այս կազմակերպությունում։ «Նովոստի–Արմենիա» գործակալությունը ներկայացնում է հինգ ամենատարածված միֆերն արագ գումար ստանալու հաստատությունների`գրավատների մասին։

1 кошелек ломбард

Միֆ առաջին. գրավատունը կասկածելի հաստատություն է, որը ոչ մեկ չի վերահսկում

Հայաստանում գործում է 128 գրավատուն, որոնց գործունեությունը կարգավորվում է «Գրավատների և գրավատնային գործունեության մասին» ՀՀ օրենքով։ Միաժամանակ, ՀՀ ԿԲ–ն արտոնագրում և վերահսկում է նրանց աշխատանքը։

2 кошелек ломбард

Միֆ երկրորդ. գրավատներն ունեցվածքը գնում են էժան` այն հետագայում ավելի թանկ վաճառելու նպատակով 

Գրավատները հիմնականում գումար են աշխատում տոկոսների հաշվին, այդ պատճառով նրանց ձեռնտու չէ իջեցնել գրավի արժեքը։ Չէ՞ որ որքան ավելի բարձր է գնահատված գրավը, այնքան ավելի շատ գումար կվաստակի գրավատունը` վարկը տրամադրելիս։ Սովորաբար գրավը գնահատվում է նրա շուկայական արժեքի մինչև 85%–ի չափով։ Ինչ վերաբերում է չմարված գրավի վաճառքին, ապա ամեն ինչ այնքան էլ միանշանակ չէ, քանի որ գրավատան եկամուտը կախված է վաճառքի պահին առկա կոնյուկտուրայից`գրավադրված իրը կարող է վաճառվել ինչպես գնահատված արժեքից բարձր, այնպես էլ ցածր։ Եթե գրավադրված է ոսկերչական իր, ապա ոսկու գրամի գինը որոշվում է Կենտրոնական բանկի կողմից։

3 кошелек ломбард

Միֆ երրորդ. գումարը տրամադրվում է սնանկացնող տոկոսադրույքով

Սովորաբար գրավատները հաշվարկում են օրական տոկոսադրույքը. այն կարող է լինել 0,1% -ից: Եթե ​​հաշվարկել ամսով և տարով, ապա որոշ դեպքերում տոկոսները կարող են համադրելի լինել բանկերի սպառողական վարկերի պայմանների հետ: Ընդհանուր առմամբ, տոկոսադրույքներն այստեղ շատ ավելի ցածր են, քան միկրոֆինանսական կազմակերպություններում, չնայած շատ ավելի բարձր են, քան բանկերում: Գումարը տրամադրվում է անմիջապես (մեկ տարին չգերազանցող ժամկետով), փաստաթղթերից անհրաժեշտ է միայն անձնագիրը: Վարկառուի համար առավելագույն կորուստը հենց գրավն է: Գրավատունը պարզապես կվաճառի այն, եթե պարտքը ժամանակին չմարվի:

4 кошелек ломбард

Միֆ չորրորդ․ գրավը կարող է կորչել

Հիշեք, որ գրավատունը պատասխանատու է ձեր կողմից գրավադրված գույքի անվտանգության համար և պարտավոր է ապահովագրել այն: Հուսալի պահարանը, ազդանշանային համակարգը և հաճախորդին տրամադրվող ապահովագրությունը գրեթե վերացնում կամ փոխհատուցում են կորուստների ռիսկերը:

5 кошелек ломбард

Միֆ հինգերորդ․ գրավատուն դիմում են միայն աղքատները

Իրականում, գրավատների հաճախորդները ներկայացնում են բնակչության բավականին լայն հատված: Նրանք ոչ միայն ուսանողներ, կենսաթոշակառուներ և ցածր եկամուտ ունեցող քաղաքացիներ են, այլև միջին եկամուտ ունեցող անձինք, պետական ​​աշխատողներ, սպասարկման ոլորտի աշխատողներ և այլն: Բացի այդ, գրավատներ հաճախ դիմում են փոքր և միջին բիզնեսի ներկայացուցիչները, ովքեր ցանկանում են արագ վարկ ստանալ գրավի դիմաց՝ առանց բանկ դիմելու:

Այժմ, երբ հիմնական միֆերը, կարծես, պարզեցինք, մնաց մի կարևոր հարց. ինչպե՞ս վարկ ստանալ գրավատանը։

Պատկերացրեք, որ գրավատուն որպես գրավ արժեքավոր գույք եք բերել: Սկզբի համար, գրավատունը գնահատում է այն, ընդ որում՝ անում է դա անվճար:

Իսկ հաջորդիվ կլինեն հետևյալ քայլերը.

-       դուք վարկային պայմանագիր եք կնքում գրավատան հետ և ստանում համապատասխան վարկային փաստաթղթեր, ուշադրությամբ ուսումնասիրում եք դրանք՝ ուշադրություն դարձնելով վարկի ամբողջ արժեքին;

- գրավատունը ողջ միջոցները փոխանցում է ձեր հաշվին, քարտին կամ առձեռն տալիս է ձեզ

- վարկի ժամկետի սկիզբը համարվում է ձեր հաշվին կամ առձեռն ողջ դրամական միջոցների փոխանցման հաջորդ օրը

-վարկի մարման ժամկետն այն օրն է, երբ վարկային պայմանագրին համապատասխան` դուք գրավատանը կվերադարձնեք վարկի ամբողջ գումարը և կվճարեք բոլոր տոկոսները

Եվ միայն դրանից հետո դուք կարող եք հետ ստանալ գրավադրված գույքը։

Ընդհանրացում

Եթե որոշել եք գնալ գրավատուն, ապա անպայման ուշադրություն դարձրեք ընկերության անվանը: Գործող օրենքի պահանջներին համապատասխան՝ «գրավատուն» բառը կարող է օգտագործել միայն այն կազմակերպությունը, որն ունի գրավատան գործունեության լիցենզիա:

Ստուգեք ձեր կողմից ընտրված գրավատան առկայությունը Հայաստանի իրավաբանական անձանց միասնական պետական ​​ռեգիստրում, որը հանրային տեղեկատվական ռեսուրս է, այն վարում է Իրավաբանական անձան պետական ռեգիստրի գործակալությունը: Համացանցում որոնեք արձագանքներ ձեր ընտրած ընկերության աշխատանքի մասին:

Հաշվի առեք, որ գրավատունը չպետք է աշխատի շուրջօրյա, քանի որ վերջինիս աշխատանքի ժամերը սահմանված են օրենքով, իսկ շուրջօրյա գործող գրավատունը, հավանաբար, թակարդ է:

Խուսափեք այն գրավատներից, որոնք գովազդում են իրենց գործունեությունը այնպիսի արտահայտություններով, ինչպիսիք են, օրինակ, «Վերցնում ենք ամեն ինչ», «Գումար ենք տալիս բոլորին»: Այս փոքր թվացող ստից կարող են մեծ անախորժություններ սկսվել:

Նյութը պատրաստվել է ԱՄԻ «Նովոստի–Արմենիա»– ի և ՀՀ կենտրոնական բանկի Սպառողների շահերի պաշտպանության և ֆինանսական կրթման կենտրոնի (www.abcfinance.am) «Ֆինանսական գրագիտություն» համատեղ նախագծի շրջանակում։–0–

Partners News
Partners News
ԱՌԿԱ գործակալություն
Բաժնի այլ նյութեր
11:00
22 Նոյեմբերի 2021
Թեստ. ի՞նչ գիտեք դրամի և դրամական համակարգի մասին
Առաջարկում ենք անցնել «Նովոստի–Արմենիա» գործակալության թեստը` ստուգելով, թե որքան տեղեկացված եք ազգային արժույթի և դրամական համակարգի մասին։
10:45
17 Նոյեմբերի 2021
Ինչպես ճիշտ պարտքով գումար տալ. 8 պարզ խորհուրդ
8 խորհուրդ այն մասին, թե ինչպես է ճիշտ գումար պարտքով տալ, որպեսզի այն ձեզ հաստատ վերադարձնեն և դուք ստիպված չլինեք ծախսել ձեր թանկարժեք ժամանակն անբարեխիղճ պարտապաններին փնտրելու համար
11:00
04 Նոյեմբերի 2021
Թեստ. ՀԴՄ, ակցիզներ, տուրքեր. ստուգեք ձեր գիտելիքները հարկային ոլորտում
Առաջարկում ենք թեստ անցնել` իմանալու համար, թե որքան վստահ եք կողմնորոշվում հարկերի հետ կապված հարցերում։
11:51
26 Հոկտեմբերի 2021
Ինչպե՞ս չհայտնվել ֆինանսական ստրկության մեջ. 8 խորհուրդ
Այսօր որոշել ենք խոսել այն մասին, թե ինչպես կարելի է փողերի նկատմամբ սպառողական վերաբերմունքից անցնել կառավարման վերաբերմունքի, քանի որ հենց առաջինն ուղիղ տանում է ֆինանսական ստրկություն
10:17
12 Հոկտեմբերի 2021
Մանկական վճարային քարտ. ի՞նչ է դա և ինչի՞ համար է անհրաժեշտ
Ուզու՞մ եք ձեր երեխային սովորեցնել գրագետ օգտվել ֆինանսներից, ինչպես նաև տեղյակ լինել, թե ինչպես է նա տնօրինում գրպանի փողերը։ Հայաստանում արդեն կա նման հնարավորություն, դրանք երեխաների և պատանիների համար նախատեսված հատուկ վճարային քարտերն են։ Պարզաբանում ենք` ինչու է երեխաներին անհրաժեշտ սեփական վճարային գործիքը, ինչպես կարելի է այն օգտագործել և որտեղ ձեռք բերել
14:49
30 Սեպտեմբերի 2021
Կտակե՞լ, թե՞ նվիրատվություն անել. պարզում ենք տարբերությունը
Որոշել ենք անդրադառնալ Հայաստանում նվիրատվության ընթացակարգին և հնարավոր թաքնված կողմերին
10:15
15 Սեպտեմբերի 2021
ԿԲ-ն գործարկել է առավել շահավետ ֆինանսական ծառայություններ որոնելու հարթակ, պարզաբանում ենք՝ ինչպե՞ս է այն գործում
Զրուցել ենք ԿԲ ֆինանսական կրթման մասնագետ, կայքի փրոդաքտ մենեջեր Դավիթ Խառատյանի հետ այն մասին, թե քաղաքացիների առաջ ինչ հնարավորություն է բացում fininfo.am–ը և ինչու է անհրաժեշտ օգտվել դրանից ֆինանսական ծառայություն ընտրելիս
12:11
09 Սեպտեմբերի 2021
Ի՞նչ է պետք իմանալ ժառանգությունն ընդունելուց առաջ
Ի՞նչ է պետք իմանալ ժառանգությունն ընդունելուց առաջ
12:07
25 Օգոստոսի 2021
5 օգտակար digital գործիքներ` սկսնակների համար
Ներկայացնում ենք սոցցանցերում կոնտենտ, հրապարակումներ ստեղծելու և դիզայներական լուծումների անփոխարինելի գործիքներ
10:54
17 Օգոստոսի 2021
Ինչու՞ է անհրաժեշտ վեբ վերլուծությունը ձեր բիզնեսի համար
Հիմա ոչ մի բիզնես իրեն չի կարող թույլ տալ աշխատել առանց վերլուծության: Վեբ վերլուծության ծառայություններն օգնում են թվերը համապատասխանեցնել կարևոր հարցերի պատասխանների հետ: Մենք օրինակներով ցույց կտա, թե ինչու է դա կարևոր
09:30
30 Հուլիսի 2021
Թեստ. ստուգեք ֆինանսական գրագիտության ոլորտի գիտելիքները
Վստահ լինելու համար փորձեք անցնել «Նովոստի–Արմենիա» գործակալության պատրաստած թեստը, որը կօգնի պարզել, թե որքան լավ եք յուրացրել այս կարևոր ոլորտի նրբությունները։
12:22
22 Հուլիսի 2021
Հայկական թղթադրամի պաշտպանության 5 կետ
Ներկայացնում ենք հինգ մեթոդ, որոնք ներդրել է ԿԲ–ն` հայկական դրամը պաշտպանելու համար