Հայտնի դիրիժոր Սերգեյ Սմբատյանը «Swiss Gart» հեղինակավոր կազմակերպության անդամ է դարձել

ԵՐԵՎԱՆ, 1 մարտի. /Նովոստի–Արմենիա/. Հայաստանի պետական երիտասարդական նվագախմբի գեղարվեստական ղեկավար և դիրիժոր Սերգեյ Սմբատյանը դարձել է Swiss Gart (Swiss Global Art Management Gart) հայտնի կազմակերպության անդամ, հայտնում է նվագախմբի մամուլի ծառայությունը։



Հետևում ունենալով ավելի քան 30 տարվա փորձ, կազմակերպելով բացառիկ միջոցառումներ և միջազգային փառատոներ` Swiss Gart–ը որոշել է համախմբել օտարերկրացի փորձագետներին Global Art Management–ի շրջանակում։ Համագործակցելով լեգենդար համերգասրահների և առաջատար նվագախմբերի հետ` Swiss Gart–ն աշխատում է ինչպես մեծ արտիստների, այնպես էլ նոր սերնդի ապագա աստղերի հետ` օգնելով նրանց ինքնահաստատվել կոնկրետ ոլորտում։

Swiss Gart–ը նշանակություն է տալիս ոչ միայն դասական երաժշտությանը, այլ նաև սերտորեն համագործակցում է անվանի ջազ, փոփ–երաժիշտների, պարային, բալետի համույթների, օպերային տների և կոմպոզիտորների հետ։

Swiss Global Art Management–ը բացառիկ շոու ծրագրեր և գեղարվեստական նախագծեր է իրականացնում։ Այդ կազմակերպության հետ համագործակցում են մի շարք երկրների կառավարություններ, ոչ կառավարական և միջազգային կազմակերպություններ, որոնց թվում է նաև ՅՈՒՆԵՍԿՕ–ն։

Swiss Gart–ը և նրա պրոֆեսիոնալ թիմը կարողանում է կյանքի կոչել ամենաառաջատար մշակութային նախագծերը` նշանակություն տալով նույնիսկ ամենամանր դետալներին։

Swiss Gart–ի արտիստները, բացի Սմբատյանից, ջութակահար, դիրիժոր և մանկավարժ Պինխաս Ցուկերմանն է, ամերիկացի դերասան, պրոդյուսեր, ռեժիսոր և սցենարիստ Ջոն Մալկովիչը, ջութակահարուհի Սոյունգ Յունը, մեցո սոպրանո Կառլի Պաոլին, Վիեննայի ֆիլհարմոնիկ նվագախումբը, Կորեայի կամերային թատրոնը և մի շարք հայտնի արվեստագետներ և կոլեկտիվներ։

Swiss Gart–ի հետ համագործակցությամբ Սերգեյ Սմբատյանը ելույթ է ունեցել Ջոն Մալկովիչի և Պինխաս Ցուկերմանի հետ։ -0-