«Աստղային պատերազմներ» ֆիլմի նոր դրվագը նկարահանում են ԱՄԷ–ում
23.04.2014,
10:41
«Աստղային պատերազմներ» ֆիլմաշարի յոթերորդ մասը նկարահանում են ԱՄԷ–ի մայրաքաղաք Աբու Դաբիում, հայտնում է ՌԻԱ Նովոստին` հղում անելով արաբական Gulf News թերթին։
ԵՐԵՎԱՆ, 23 ապրիլի./ Նովոստի–Արմենիա/. «Աստղային պատերազմներ» ֆիլմաշարի յոթերորդ մասը նկարահանում են ԱՄԷ–ի մայրաքաղաք Աբու Դաբիում, հայտնում է ՌԻԱ Նովոստին` հղում անելով արաբական Gulf News թերթին։
Ավելի վաղ լրատվամիջոցները հայտնում էին, որ նկարահանումները կլինեն Աբու Դաբիի անապատներում։
Սա ֆիլմի առաջին դրվագն է, որը պետք է ստեղծի Walt Disney ընկերությունը։ Երեքշաբթի ընկերության ներկայացուցիչները հայտնել են, որ Աբու Դաբիում նկարահանվել են ֆիլմի երկրորդական տեսարանները։
Հիմնական տեսարանները դեռ չեն նկարել, դերասանների կազմն էլ կհրապարակվի ավելի ուշ։ «Աստղային պատերազմներ»–ի նախորդ մասերում անապատների տեսարանները նկարահանել էին Թունիսում։
Ֆիլմաշարի առաջին պատմությունը ծնվել է 1970 թվականին, հեղինակը ամերիկացի ռեժիսոր Ջորջ Լուկասն է։-0-
Պատճենել հղումը
