Երևանի օպերային թատրոնի շենքը կվերազինվի մինչև 2012 թվականի ավարտը. նախարար

2012 թվականին կիրականացվի Երևանի Ա. Սպենդիարյանի անվան օպերայի և բալետի ազգային ակադեմիական թատրոնի նորոգման և վերազինման ծրագիրը, երկուշաբթի լրագրողներին հայտնեց Հայաստանի մշակույթի նախարար Հասմիկ Պողոսյանը:

«Այս աշխատանքները, հիմնականում, վերաբերում են բեմի մեխանիզմների նորոգմանը, որոնք կառուցման պահից չեն թարմացվել»,- երկուշաբթի մամուլի ասուլիսի ընթացքում ասաց նա:

Բացի այդ, նախարարի խոսքով, ամբողջությամբ կթարմացվի ձայնային և լուսային սարքավորումը:
Պողոսյանն ասաց, որ շենքի նորոգման և արդիականացման աշխատանքները կավարտվեն ընթացիկ տարվա դեկտեմբերին:

Երևանի Ա. Սպենդիարյանի անվան օպերայի և բալետի ազգային ակադեմիական թատրոնը ստեղծվել է 1933 թվականին: Իսկ շենքը կառուցվել է 1940 թվականին՝ ճարտարապետ Ալեքսանդր Թամանյանի նախագծով: -0-