Կինոդերասան, ռեժիսոր, սցենարիստ և քիքբոքսինգի չեմպիոն Ժան Կլոդ Վան Դամը (Jean-Claude Van Damme) ժամանել է Եգիպտոսի մայրաքաղաք, որպեսզի տոնի իր ծննդյան 51-րդ տարեդարձը, հաղորդում է «ՌԻԱ Նովոստին»՝ հղում անելով Youm7 ինտերնետ պորտալին:
Օդանավակայանի այցելուները շատ են զարմացել, երբ ճանաչել են սպորտային պայուսակով ժամանման սրահ մտնող համեստ մարդուն՝ համաշխարհային մակարդակի կինոաստղին: Վան Դամը տեղեկացրել է, որ իքնը պատահական չէ որոշել իր ծննդյան օրը տոնել Եգիպտոսում, վերջին ամիսներին այդ երկրում «շատ փոփոխություններ են տեղի ունեցել», որոնք շատ են հետաքրքրում դերասանին:
Վան Դամը պատրաստվում է առաջիկա երկու օրը դիտել Եգիպտոսի պատմական հուշարձանները, հանդիպել երիտասարդությանը, մասնակցել եգիպտական հեռուստատեսության մի քանի հաղորդումների նկարահանումներին, իսկ հոկտեմբերի 19-ին դերասանը կլքի Եգիպտոսը:
Ժան Կլոդ Վան Դամը ծնվել է 1960թ.-ի հոկտեմբերի 18-ին Բելգիայում: Կինոարդյունաբերությունում աշխատանքի տարիներին նա նկարահանվել է 47 կինոնկարում, որոնց թվում են՝ «Քիքբոքսինգի մարզիկը», «Արյունալի մարզաձև», «Կրկնակի հարված», «Փախչելու տեղ չկա» և «Ունիվերսալ զինվորը»: -0-
