«Ոսկե ծիրան» երևանյան փառատոնը «Տարվա հայկական ապրանքանիշ» է ճանաչվել Luxury ամսագրի կողմից

«Ոսկե ծիրան» երևանյան փառատոնը «2010 թվականի հայկական բրենդ» է ճանաչվել Luxury հայտնի ամսագրի կողմից, տեղեկացնում ենք կինոփառատոնի կայքից։ 
«Ոսկե ծիրան» կինոփառատոնն անցկացվում է Հայաստանում 2004 թվականից և ամենահեղինակավորն է համարվում տարածաշրջանում։

Ինչպես նշված է հաղորդագրության մեջ, այս տարի ամսագիրը չի ընտրել 2010 թվականի «տարվա մարդուն»` փոխարինելով այն «Տարվա բրենդ (ապրանքանիշ)» անվանակարգով, որի հաղթող է ճանաչվել հայկական փառատոնը։

«Տարվա հայկական ապրանքանիշ» անվանակարգի մրցանակը ստացել է  «Ոսկե ծիրան» կինոփառատոնի հիմնադիր-տնօրեն Հարություն Խաչատրյանը»,- ասվում է հաղորդագրությունում։

Ինչպես «Նովոստի-Արմենիա» գործակալությանը հայտնեց Luxury ամսագրի հայկական մրցանակի նախագծի հեղինակ և ղեկավար Դավիթ Վարդազարյանը, ժյուրիի անդամների ընտրությունը միանգամայն անսպասելի է եղել։
«Մենք սպասում էինք, որ մրցանակը կստանա որևէ կոմերցիոն նախագիծ, սակայն ժյուրին, ի զարմանս մեզ, ընտրեց «Ծիրանը»»,- ասաց Վարդազարյանը։
Նա նշեց, որ ամսագրի մրցանակն այս տարի կշնորհվի 50 անվանակարգերում։ «Ամսագիրն արդեն յոթ տարի գործում է հայկական շուկայում. այն ստեղծվել է 2005 թվականին»,- ավելացրեց Վարդազարյանը։ -0-