Լոնդոնի աճուրդում անանուն մի գնորդ ձեռք է բերել Սարյանի յոթ աշխատանքներից բաղկացած հավաքածուն
Անանուն մի գնորդ, մասնավոր կարգով, ձեռք է բերել Լոնդոնի «Մակդուգալս» (MacDougall's) աճուրդում ներկայացված հայտնի հայ նկարիչ Մարտիրոս Սարյանի յոթ աշխատանքներից բաղկացած հավաքածուն, ասվում է աճուրդային տան տեղեկատվության մեջ։
Վաճառքները ծրագրված են հունիսի 12-13-ը։ Սակայն աճուրդի գործարքներից մի քանի օր առաջ՝ մի մասնավոր կոլեկցիոներ, որը ցանկացավ մնալ անհայտ, ձեռք է բերել Սարյանի բոլոր յոթ աշխատանքները՝ ամենաբարձր գնային արժեքով՝ 1,2 մլն դոլար (600 հազ. ֆունտ ստեռլինգ)։
Աճուրդին ներկայացված Սարյանի հավաքածուն բաղկացած էր մեկ գեղանկարից և վեց ջրանկարց։ Փորձագետների խոսքերով, այդ հավաքածուն շատ լավ ներկայացնում է նկարչի ստեղծագործական գրեթե ողջ ուղին՝ 1907 թ.-ի «Ծաղկող այգի» ջրանկարից մինչև 1922 թ.-ի «Արագած լեռը ամռանը» գեղանկարից։
«Մարտիրոս Սարյանի վրձնի նման որակ ունեցող աշխատանքները հազվադեպ են արվեստի շուկայում։ Հաջող մասնավոր վաճառքը աճուրդի լոտերի հրապարակային ցուցադրության առաջին օրերին միայն ընդգծում է այդ փաստը», - հայտարարել է MacDougall's-ի տնօրեն Քեթրին Մակդուգալլը։-0-
