ԵՐԵՎԱՆ, 14 դեկտեմբերի. /Նովոստի–Արմենիա/. Ֆրանսահայ շանսոնիե Շառլ Ազնավուրը
Le Figaro ֆրանսիական պարբերականին տված հարցազրույցում ասել է, որ հույս ունի երգել մինչև 100 տարեկան։
«Ես աշխարհի ամենատարեց երգիչն եմ։ Ոչ ոք չկա։ Թոնի Բենեթը, ով 91 տարեկան է, ընդամենը երեխա է»,– ասել է նա։
Թերթը նշում է, որ 93 տարեկանում Մաեստրոն դեռ չի ասել իր վերջին խոսքը և չի կորցրել պատանեկան ոգու և ստեղծագործական հավակնությունների և ոչ մի կաթիլ։
Загружается новость ...
"Право"
Ազնավուրի խոսքով, աշխատանքային վիճակը պահպանելու հարցում նրան օգնում են գրքերը։
«Ես շատ եմ կարդում։ Օրինակ, Գոնկուր եմ կարդացել։ Կարդում եմ, որովհետև դա ինձ սովորեցնում է, կարդում եմ, որ ճանաչեմ հեղինակին։ Կարդացել եմ ամբողջ Բալզակին, Դյումային, Հյուգոյին։
Նաև գնել եմ Անատոլ Ֆրանսի երկերի ժողովածուն, բայց դեռ չեմ կարդացել։ Դա ինձ պետք է աշխատանքի համար, ոչ թե հասարակությունում փայլելու»,– ասել է երգիչը։ -0-
