ԵՐԵՎԱՆ, 5 նոյեմբերի. /Նովոստի–Արմենիա/. «Վերադարձ» կվինտետն առաջին անգամ ելույթ կունենա Երևանում երաժշտական համանուն փառատոնի շրջանակում, «Նովոստի–Արմենիա» գործակալությանը հայտնեցին կազմակերպիչները։
Հատուկ փառատոնի շրջանակում կվինտետում միավորված երաժշտական կոլեկտիվի մասնակիցներն են` Լիլիթ Գրիգորյանը (դաշնամուր, Բելգիա), Դավիթ Հարությունյանը (ջութակ, Ֆրանսիա), Տոմոկո Ակասական (ալտ, Ճապոնիա), Փոլին Բարտիսոլը (թավջութակ, Ֆրանսիա) և Բլանշ Ստրոմբոնի (կոնտրաբաս, Ֆրանսիա)։
«Կամերային երաժշտության երեկո» խորագրով համերգի ընթացքում կհնչեն Մալերի, Մենդելսոնի և Բարտոլդիի, ինչպես նաև Շուբերտի ստեղծագործություններ։ Համերգը կկայանա նոյեմբերի 5–ին։
Հայոց ցեղասպանության 100–րդ տարելիցին նվիրված «Վերադարձ» դասական երաժշտության 8–րդ փառատոնն անցկացվում է հոկտեմբերի 19–ից նոյեմբերի 7–ը։ Փառատոնի ընթացքում կկայանա հինգ համերգ, որոնց ընթացքում կներկայացվեն դասական երաժշտության տարբեր ուղղությունների և ժամանակահատվածի ստեղծագործություններ։
Եզրափակիչ համերգի ընթացքում համաշխարհային տանգոյի գլուխգործոցներ կներկայացնի Եվրոպայի «Տանգո Կարբո» ֆրանսիական անսամբլը, ելույթ կունենա նաև ջութակահար Դավիթ Հարությունյանը։
Փառատոնի կազմակերպիչն ու հիմնադիրն «Արվեստների պատկերասրահ» մշակութային հիմնադրամն է։ Փառատոնն անցկացվում է Հայաստանի առաջին տիկին Ռիտա Սարգսյանի բարձր հովանու ներքո։
«Նովոստի–Արմենիա» գործակալությունը փառատոնի տեղեկատվական հովանավորն է։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում