Հայ մեծանանուն ռեժիսոր Արտավազդ Փելեշյանը մրցանակ է ստացել համաշխարհային կինոյում ունեցած ավանդի համար

ԵՐԵՎԱՆ, 30 հոկտեմբերի. /Նովոստի–Արմենիա/. Հայ մեծանուն ռեժիսոր, վավերագրող բեմադրիչ Արտավազդ Փելեշյանը մրցանակի է արժանացել համաշխարհային կինոյում ունեցած ավանդի համար Չեխիայի Յիգլավայում անցկացված Վավերագրական կինոյի միջազգային փառատոնի բացման ժամանակ։

Ստեղծագործական համաժողովի տնօրեն Մարեկ Գովորկան, խոսելով Արտավազդ Փելեշյանի բացառիկ տաղանդի մասին, նշել է, որ այդ ռեժիսորին հաջողվում է կյանքի իմաստը փոխանցել էկրանային ընդամենի մի քանի րոպեների ընթացքում, իսկ դիտարկումը, որ բեմադրիչն անում է իր աշխատանքներում (վերջին ֆիլմը` «Ավարտը», թվագրվում է արդեն հեռավոր 1992 թվականով) ընդմիշտ կմնա կինոմատոգրաֆի պատմության մեջ։

Այս տարի Չեխիայի փառատոնում (անցկացվում է հոկտեմբերի 27–ից նոյեմբերի 1–ը) կներկայացվեն 250 ֆիլմեր, ներառյալ 58 համաշխարհային, 9 միջազգային և 11 եվրոպական պրեմիերաներ, հաղորդում է omskzdes.ru–ն։

Արտավազդ (Արթուր) Փելեշյանը ոչ խաղարկային կինոյի լեգենդար ռեժիսոր և տեսաբան է, «հեռահար մոնտաժի» մեթոդի հեղինակ։ Փելեշյանը կինոյի մասին մի շարք տեսական աշխատանքների հեղինակ է, որոնք թարգմանված են բազմաթիվ լեզուներով։ Դրանք զետեղված են «Իմ կինոն» հայտնի գրքում, որը նոր քայլ էր կինոտեսության զարգացման ոլորտում։ Նրա ամենահայտնի ֆիլմերից են` «Տարվա եղանակները», «Բնակիչները», «Կյանքը», «Ավարտը»։ -0-