«Սլավյանսկի բազար» մրցույթում Գրան Պրիի արժանացած Մաշա Մնջոյանը պատմել է իր տպավորությունների մասին

ԵՐԵՎԱՆ, 19 հուլիսի./Նովոստի–Արմենիա/. Հայաստանը ներկայացնող Մաշա Մնջոյանն արժանացել է Գրան Պրի մրցանակի Բելառուսի Վիտեբսկում անցկացված «Սլավյանսկի բազար 2023» երիտասարդ կատարոսղների միջազգային մրցույթում։

Մաշան պատմել է, որ այս տարի փառատոնին երգիչներն առաջին անգամ ելույթ են ունեցել կենդանի նվագախմբի ուղեկցությամբ։ Առաջին օրը նա կատարել է «Խոստացեք ինձ սեր» ստեղծագործությունը` հավաքելով 66 միավոր, երկրորդ օրը` Արետա Ֆրանկլինի «Respect» ստեղծագործությունը։

«Այդ օրը ես հավաքեցի 69 միավոր, որը բերեց մեզ առաջ հորիզոնականի», – ասաց նա։

Երգչուհին նշեց, որ այս տարի շատ ուժեղ մասնակիցներ էին, բայց մթնոլորտը մրցույթի ժամանակ շատ ընկերական էր, բոլորը հիանում էին միմյանց ելույթներով։

«Սլավյանսկի բազար 2023» մանկական մրցույթում Հայաստանը ներկայացնող Անահիտ Գալստյանը զբաղեցրել է երկրորդ տեղը։ Հայաստանը ՌԴ–ի հետ կիսել է երկրորդ տեղը։

Երգչուհին նշեց, որ առաջին օրը նա կատարել է Ջեյդ Յուենի «It’s my time» ստեղծագործությունը և վաստակել է առավելագույն միավորներ։ Երկրորդ օրը կատարել է Սոնա Շահգելդյանի «Կորուստ, թե գանձ» ստեղծագործությունը։

Մրցույթի հայկական պատվիրակության ղեկավար Վրեժ Կիրակոսյանն իր հերթին նշեց, որ հիմա «Սլավյանսկի բազար»–ի հետ քննարկվում է հաջորդ տարվա ծրագիրը։

«Քանի որ հաջորդ տարի նշվելու է Շառլ Ազնավուրի 100–ամյակը, մենք նախատեսում ենք այդ կապակցությամբ կազմակերպել մեծ համերգ եվրոպացի, հայ, բելառուս, ռուս աստղերի հետ միասին», – ասաց նա։–0–