Մեկնարկել է Գրքի երևանյան չորրորդ փառատոնը․ «Նովոստի-Արմենիա»-ն պարզել է՝ ինչ են կարդում երևանցիները (ՖՈՏՈ)

Փառատոնն ունի հագեցած ծրագիր՝ ցուցահանդեսներ, հանդիպումներ գրողների և հետաքրքիր հյուրերի հետ, կազմակերպվում են գրական քննարկումներ և շնորհանդեսներ։

Փառատոնի գլխավոր նպատակներից է հանրաճանաչ դարձնել ժամանակակից հայ գրողների ստեղծագործությունները, նրանց հնարավորություն ընձեռել ավելի շատ բան իմանալ նոր գրքերի մասին, ինչպես նաև հաստատել սերտ համագործակցություն հեղինակ-գործակալություն-հրատարակիչ-ընթերցող սխեմայով։

«Նովոստի-Արմենիա» գործակալությունը հարցում է անցկացրել փառատոնի հյուրերի շրջանում՝ պարզելու համար, թե ինչ գրականություն են նախընտրում նրանք։ Հարցվածների մեծամասնությունը նշել է, որ հետաքրքրվում են բիզնեսի կամ մարկետինգի մասին գրքերով։ Այսպես, «կարդում եմ հիմա» և «սիրված գիրքը» կատեգորիայում փառատոնի մասնակիցները նշել են «Բիզնեսի 10 գաղտնիքները», «Հարուստ հայրիկ, աղքատ հայրիկ», «Սթիվ Ջոբս», «Տիտան․ Ջոն Ռոքֆելլերի կյանքը», «Վանական, որը վաճառեց իր «ֆեռարին»», «100 գիրք բիզնեսի մասին, որոնք պետք է կարդալ», «100%-անոց բիզնես պլան»։ Միաժամանակ չի մոռացվում նաև դասականը՝ Դոստոևսկու «Դևեր» և Գյոթեի «Երիտասարդ Վերթերի տառապանքները» ստեղծագործությունները։ Փառատոնի հյուրերը նշեցին նաև Նիլ Գեյմանի «Գերեզմանի գիրքը», Կառլոս Ռուիս Սաֆոնի «Քամու ստվերը», Հերման Հեսսեի «Նարցիզը և ոսկեբերանը» ստեղծագործությունները։-0-