Հայտնի է «Դալի և Պիկասո» երևանյան ցուցահանդեսի բացման ամսաթիվը

ԵՐԵՎԱՆ, 13 փետրվարի./Նովոստի–Արմենիա/. Պաբլո Պիկասոյի և Սալվադոր Դալիի աշխատանքները կցուցադրվեն Հայաստանի ազգային պատկերասրահում մարտի 7–ից ապրիլի 26–ը։

Հայաստանի ազգային պատկերասրահը և «Искусство Наций» հիմնադրամը (Ազգերի արվեստ) ներկայացնում են «Դալի և Պիկասո» ցուցահանդեսը: Կցուցադրվեն Սալվադոր Դալիի և Պաբլո Պիկասոյի շուրջ 300 ստեղծագործություն՝ մեկենաս և հավաքորդ Ալեքսանդր Շադրինի մասնավոր հավաքածուից:

«Նախագիծը ներկայացվել է շուրջ 11 երկրներում: Հավաքածուն 4-րդն է մասնավոր հավաքածուների մեջ. սա Դալիի քանդակի՝ ամենամեծ, իսկ Պիկասոյի խեցեգործական աշխատանքների ամենաներկայանալի հավաքածուներից է ողջ աշխարհում: Ցուցահանդեսը կգործի մարտի 7-ից ապրիլի 26-ը», – նշվում է Facebook–ում ստեղծված Event–ում։

Նախագծի ղեկավարն է Արման Ծատուրյանը, համակարգողը՝ Մարիամ Դավթյանը։–0–