Էնրիկե Իգլեսիասը, հնարավոր է, հաջորդ տարի գա Հայաստան

ԵՐԵՎԱՆ, 6 նոյեմբերի./Նովոստի–Արմենիա/. Աշխարհահռչակ երգիչ Էնրիկե Իգլեսիասը հաջորդ տարի կարող է գալ Հայաստան։

Ինչպես հաղորդում է armtimes.com–ը, այս մասին այսօր՝ նոյեմբերի 6-ին, լրագրողների հետ հանդիպման ժամանակ ասել է նրա եղբայրը՝ Խորխե Իգլեսիասը։

Խորխե Իգլեսիասը, որը իր Berin Iglesias Art ընկերության միջոցով համագործակցում է Silk Note փառատոնի հետ, նշել է, որ խոսել են Էնրիկե Իգլեսիասի հետ և փորձում են հասկանալ՝ ինչպես նրա գրաֆիկում կարող են տեղավորել Silk Note 2020-ը։

Berin Iglesias Art կազմակերպությունը մասնաճյուղ է բացում Հայաստանում։ Փորձելու է հայ արտիստներին ներկայացնել արտասահմանում և արտասահմանցիներին Հայաստանում։–0–