Մրցանակակիր և բազում երգերի հեղինակ.ներկայացնում ենք Հայկոյի թոփ դարձած երգերն ու տեսահոլովակները (ՎԻԴԵՈ)
17:40
29 Սեպտեմբերի 2021
ԵՐԵՎԱՆ, 29 սեպտեմբեր. /Նովոստի-Արմենիա/. Այսօր հայտնի դարձավ, որ տաղանդավոր երգիչ, կոմպոզիտոր, Հայաստանի վաստակավոր արտիստ Հայկոն (Հայկ Հակոբյան) մահացել է: Նա ընդամենը 44 տարեկան էր:
Օրերս տեղեկություն տարածվեց, որ Հայկոն ծայրահեղ ծանր վիճակում է։ Պատճառը կորոնավիրուսն էր։ Երգահանի թոքերը գրեթե ամբողջությամբ ախտահարված էին։
Արտիստը երգարվեստում իր առաջին քայլերը կատարել է 1990-ականներին:
Առաջին իր մրցանակը Հայկոն ստացել է 1996 թ. «Մոսկվա 96» երգի փառատոնի ժամանակ: 2006 թ. նա արժանացել է Հայաստանի վաստակավոր արտիստի կոչմանը:
Հայկոն 2007 թ. ներկայացրել է Հայաստանը «Եվրատեսիլ» երգի միջազգային մրցույթում և զբաղեցրել 8-րդ տեղը։ 2007 թ., 2010 թ. և 2011 թ. արժանացել է «Տարվա լավագույն կոմպոզիտոր» մրցանակին՝ «Մի վախեցիր», «Սպանված աղավնի», «Խաչագողի հիշատակարանը» ֆիլմերի երաժշտության համար։
2011 թ. Մոսկվայի հայկական երաժշտական «Արմենիա» ամենամյա մրցանակաբաշխության ժամանակ արժանացել է «Տասնամյակի երգիչ» մրցանակին։
Հայկոն բազում երգերի հեղինակ ու մրցանակակիր է, ունի շատ ալբոմներ, նրա երգերը յուրաքանչյուրի համար հոգեհարազատ են և սիրված: Նկարահանել է շուրջ 20 տեսահոլովակ:
«Նովոստի-Արմենիա»-ն ներկայացնում է երգչի հիթ դարձած հինգ լավագույն երգերն ու տեսահոլովակները: --0--
Հայտնի հայ ջութակահար Զարեհ Սահակյանցի դուստր Սաթի Սպիվակովան, ով մեծանուն ջութակահար ու դիրիժոր, մաեստրո Վլադիմիր Սպիվակովի կինն է, նշել է, որ Երևանում կայանալիք հյուրախաղերն առանձնահատուկ են իր համար
Հայաստանում մոսկովյան առաջատար «Ազգերի թատրոնի» անդրանիկ հյուրախաղերը կդառնան Կանանց միամսյակի գեղեցիկ ամփոփում: Թատրոնը երևանյան հանդիսատեսին կներկայացնի «Դեղձանիկը»․ ՖՈՏՈ