ԵՐԵՎԱՆ, 20 հունիսի. /Նովոստի–Արմենիա/. ՀՀ մշակույթի նախարար Արմեն Ամիրյանը հրապարակել է «Գայանե» բալետի տապալման մեջ մեղավորի անունը։
Արամ Խաչատրյանի «Գայանե» բալետը պետք է տեղի ունենար հունիսի 8–ին Օպերայի և բալետի ազգային ակադեմիական թատրոնում, սակայն չեղյալ հայտարարվեց, քանի որ նվագախումբը հրաժարվեց բեմ դուրս գալ։ Դահլիճում ներկա էին ինչպես տեղաբնակներ, այնպես էլ օտարերկրյա հյուրեր։
Ինչպես նշել է մշակույթի նախարարը «Ազատություն» ռ/կ–ի կազմակերպած Facebook–յան ասուլիսի ժամանակ, տեղի ունեցածի մեղքն իր վրա է վերցրել Օպերայի և բալետի ազգային ակադեմիական թատրոնի ընդհանուր կառավարման հարցերի գծով փոխտնօրեն Նարեկ Անտոնյանը, ով աշխատանքից ազատվելու դիմում է ներկայացրել։
Նախարարը խոսքով` այս ամենը խայտառակություն է, արտիստների պահվածքն` անթույլատրելի։
«Արտիստն արտիստ չէ, եթե կարող է տապալել ելույթը, երբ դահլիճում 750 հանդիսական կա, որոնց մեծ մասը եկել են արտասահմանից», – նշել է նա ու ավելացրել, որ այդ օրը հանդիսատեսի թվում էին նաև օտարերկրյա գործընկերներ, ովքեր հրավիրվել էին թատրոնի գեղարվեստական ղեկավար Կոնստանտին Օրբելյանի կողմից նրա անձնական միջոցներով։
Տապալված բալետից մի քանի օր առաջ թատրոնի ադմինիստրատիվ կոլեկտիվի աշխատակիցներից 10–ը (թատրոնի կոլեկտիվի թիվն ընդհանուր առմամբ 583 է) հեռացվել էին աշխատանքից հաստատության աշխատանքի արդյունավետության բարձրացման նպատակով։ Ընդ որում, «կրճատման» տակ հայտնված աշխատակիցների թվում էին գործադիր տնօրենի երեք տեղակալներ։
«Դա ադմինիստրատիվ աշխատակիցների պատասխանն էր կրճատումներին», –նշել է Ամիրյանն ու ավելացրել, որ հիմա թատրոնի բոլոր ներկայացումները սկսվում են 19։01–ից ոչ ուշ։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում