Հայտնի է «Ոսկե ծիրան» կինոփառատոնի անցկացման ամսաթիվը

ԵՐԵՎԱՆ, 31 մայիսի. /Նովոստի–Արմենիա/. «Ոսկե ծիրան» միջազգային XIII կինոփառատոնը կանցկացվի Երևանում հուլիսի 10–17–ը, «Նովոստի–Արմենիա» գործակալությանն ասաց կինոքննադատ, փառատոնի ծրագրերի համակարգող Րաֆֆի Մովսիսյանը։

Մովսիսյանը, սակայն, չնշեց հայտնի հյուրերի անուններն ու չխոսեց անակնկալների մասին, որոնք փառատոնի կազմակերպիչները պատրաստել են հանդիսատեսի համար։

«Ոսկե ծիրան» միջազգային կինոփառատոնը Երևանում անցկացվում է 2004թ.-ից և համարվում է տարածաշրջանի ամենաճանաչված փառատոներից մեկը:

Տարբեր տարիներին Հայաստան են ժամանել հայտնի դերասաններ և ռեժիսորներ, որոնց թվում նաև` գրող և սցենարիստ Տոնինո Գուերան, հայտնի դերասանուհիներ Կլաուդիա Կարդինալեն և Ֆանի Արդանը։
2010 թվականին Երևանի կինոփառատոնն արժանացավ Ficts Plate D'honneur կինոյի, հեռուստատեսության և սպորտի միջազգային միության գլխավոր մրցանակին:–0–